[壹週刊 - 1297] 老公護送 司馬燕安葬溫哥華 司馬燕,M1,

1963-2015

2012年發現患上胃癌的司馬燕，面對病情一直表現積極，是位抗癌勇士。

探熱針

老公護送　司馬燕安葬溫哥華

司馬燕過去兩年一直受胃癌折磨，病情反覆，多次進出醫院進行化療及手術，令體重一度跌穿五十磅。本月十一日，忽然傳出司馬燕離世消息，直至本週二（ 13/1），司馬燕家人發出聲明，證實她於上週末安詳地在夢中被接返天家，終年五十一歲。

據知，司馬燕一早已交帶落自己的身後事，為免家人受到傳媒騷擾，故在港不會舉行葬禮，還吩咐老公吳忠義（ Togi），要將遺體送回加拿大，讓她長眠在溫哥華。

2012年發現患上胃癌的司馬燕，面對病情一直表現積極，是位抗癌勇士。

聖誕節她返家開派對，相中司馬燕極消瘦，與老公、兩個仔及表妹陳麗文共享天倫樂，是她最後的公開照。

司馬燕的家人在本月十三日下午發出她已病逝的聲明。

自去年底司馬燕屢傳病危，為免大家擔心，瘦剩五十磅的她於平安夜上載全家福，並提早向大家祝賀聖誕。

搞派對追思

本月十一日，傳出司馬燕凌晨時分在紅山半島家中昏迷送院，大批傳媒連日在司馬燕寓所及醫院守候，但丈夫 Togi卻一直未有現身交代最新情況。直至本週二（ 13/1），司馬燕的家人發出她已病逝的聲明。

雖然過去兩年，司馬燕一直積極面對逆境，但同時也有為自己的身後事作好準備。「 Michelle知道有一日自己走咗，佢老公同兩個仔都會好傷心，佢唔想家人承受傳媒追訪嘅壓力，所以一早講明，唔會喺香港搞任何喪禮，但會搞個追思會，佢份人鍾意熱鬧，所以追思會係以 party形式進行，想大家開開心心飲番杯，地點要等 Togi安排， Michelle亦一早交帶落，日後想喺加拿大溫哥華安葬。所以 Togi呢幾日忙於搞遺體運送嘅手續。」有知情者說。

司馬燕與吳忠義於 2013年在荷蘭再次舉行婚禮，補償當年兩人結婚未做的浪漫儀式外，順便慶祝結婚十七周年。

90年代，司馬燕曾為成人雜誌《 PENTHOUSE》拍攝性感封面照。

司馬燕拍的廣告不多，其中最經典的，當然是 1983年與梁朝偉合作拍攝金鷹朱古力廣告。

1991年，司馬燕與周慧敏、張敏拍攝《妖魔道》。

司馬燕於 1983年參加無綫劇集《射鵰英雄傳》的「理想黃蓉形象」選舉並打入最後五強，可惜最終敗給翁美玲。

司馬燕曾與吳君如、林建明等合作《猛鬼霸王花》，是當年很受歡迎的笑片之一。

物業套現

除了安排身後事，司馬燕亦早已分配好財產以及兩個囝囝的教學基金，「 Michelle兩年幾前發現自己有胃癌，預咗要大筆醫藥費，所以陸續將內地嘅物業出售套現，包括上海同天津，至於兩個仔吳澋滔與吳景燿嘅教育基金， Michelle都安排好晒，佢同老公有晒共識，佢哋一家人感情真係好好， Michelle成日提 Togi，如果佢走咗，記得搵個新老婆陪，唔好自己一個孤伶伶過下半世。」知情者說。

要求出院

去年底屢傳司馬燕命危消息，直到平安夜，她在社交網站上載最新圖片報平安，傳聞才不攻自破。「次次 Michelle入醫院，傳媒就追住佢老公同兩個仔問嘢，佢有胃癌搞到得番四、五十磅， Togi同兩個仔都好心痛，尤其細仔最黐 Michelle，見到媽咪咁都好難過， Michelle自己知自己事，有得陪佢哋都會盡量陪，所以先要求出院返屋企，可以一家人開開心心過埋聖誕同元旦。 Michelle唔想影響到屋企人，所以就算瘦咗，都唔介意影相俾大家睇睇，佢真係好愛護佢屋企人。」知情者說。

Togi對司馬燕愛護有加，為了方便照顧住院的老婆，特別租住跑馬地與養和醫院一街之隔的大廈，他每晚都會與兩位兒子到醫院探望她。

鍾意就快D Share啦！

下一篇 》