【華鼎獎】林峯奪「中國最佳電視劇男演員」 2016年入紙開紅館騷
2015-01-18 21:00:00
今晚喺澳門舉行嘅華鼎獎，已經頒發嘅獎項有「中國最佳電視劇男演員」，由林峯奪得，而「中國最佳電視劇女演員」就由佢老友佘詩曼攞到。
王力宏就拎到「全球最佳歌唱演員」，韓國組合Super Junior就奪得「全球最佳組合」。
林峯同佘詩曼獲獎後分別到後台受訪，林峯被問到係咪憑劇集《使徒行者》得獎？佢話：「頭先攞獎播《衞子夫》片段，冇話邊套攞，兩套劇喺網上點擊都係第一。」問點多謝粉絲？佢話：「佢哋等我隻新碟好耐，月底會去美國錄音，仲申請咗二零一六年紅館個唱，希望場數越多越好，又想做內地巡唱，自己未正式做過巡迴，想集中唱國語歌。」
另因現場人多擠迫，加上大會安排欠妥善，喺後台記者室傳媒同大會發生爭撬，當時在場嘅阿佘都嚇一嚇。阿佘對得獎表示：「今年大豐收，攞咗九個獎，今年入行以嚟最好一年。」問會否加片酬？佢話：「唔一定要講錢，希望做未做過嘅角色。」向電影進軍？佢表示：「有梗係好，期待拍完嘅《衝上雲霄》同拍緊嘅《十月初五的月光》電影版有好成績。」
林峯
佘詩曼
王力宏
條黃巾好sharp...
|
鍾意就快D Share啦！
|
|
|
