堅持《我是歌手3》出賽唔嗌歌 陳潔儀被叮走
正所謂「唔嗌唔知歌喉好，唔爆咪唔知個key咁高」，有睇過《我是
歌手2》嘅觀眾都知道，宇宙巨G.E.M.就係憑住一副「巨肺」歌喉，衝出香港再上埋太空！
不過眾所周知，參加咗新一季嘅陳潔儀，就唔係行開呢個路線嘅！第一集已經唔跟「國情」，以慢歌《心動》出戰而包尾。但陳潔儀就冇因而喺第2集改變策略，前晚繼續柔情唱《心如刀割》。就唱到有位靚女觀眾喊到十足失戀咁，可惜都冇用，冇爆咪，一樣冇得留低！
有內地網民都戥陳潔儀好唔抵，不過佢本人就睇得好開，喺微博留言：「我是歌手，我來這裡並不是為了比賽，或為超越别人，而是為了體驗這個很特别的舞台，珍惜這次遇見的每一位朋友，我認識的、不認識的⋯，衷心感謝！特别也要感謝所有在微博留言及私下給我支持的朋友們，你們的鼓勵及肯定，是我持續前進、認真歌唱的力量。」咁豁達！呢啲咪就係大將之風囉！
|
鍾意就快D Share啦！
|
|
|
