2015年1月11日 星期日

「大叫叔」分享最強經驗 喝一聲蘭桂坊靜晒 大叫叔,

「大叫叔」分享最強經驗 喝一聲蘭桂坊靜晒



其他影片:>>






「大叫叔」分享最強經驗 喝一聲蘭桂坊靜晒

早前喺大台嘅《東張西望》入面,教大家點樣喺人群中發出震撼聲音嘅緊急


應變中心安全主任梁國安先生(大叫叔)就係因為大叫咗一聲「睇住呀!」,俾網民大力惡搞,成為咗網絡紅人,而喺昨日商台節目《在晴朗的一天出發》個fb仲上載咗一條訪問「大叫叔」嘅片,今次「大叫叔」冇戴黑超,斯斯文文,仲好正經咁同大家分享佢做輔警嗰陣嘅威水史。

當日「大叫叔」喺鏡頭前暴喝一聲「睇住呀!」,嚇親主持。其實佢嗰陣都嗌得好大聲,但可能太肉緊,咬字有少少偏差,竟然有網民話疑似聽到粗口。喺《晴朗》中,一開始主持人就問佢到底大叫乜嘢,大叫叔就好認真咁問主持:「你真係估唔到?」最後開估:「睇住呀!」

大叫叔又話:「在我嚟講,我會比較熟識,我會好容易講得到出嚟,亦都唔係好介意發生呢啲事嘅時候。任何人呢,唔需要介意嗌出嚟嘅內容,因為目的係要提醒身邊其他嘅人。」

大叫叔仲講咗佢嘅威水史喇,原來大叫叔以前係輔警,佢話:「有一日喺蘭桂坊,係一個節日嚟,當時好多年青人好開心,喺條斜路追逐,仲噴一啲人造雪,令到地下好跣,當時我意識到好危險,得我一個人喺度,我都係用呢個方法,我大喝一聲,成個蘭桂坊靜晒,所有走緊嘅人都停晒。」睇嚟大叫叔嘅實力,唔係一朝一夕可以練出嚟。



鍾意就快D Share啦!