【晴報專訊】近年長駐內地發展的李逸朗（Don），憑「哭腔」唱式翻唱陳慧嫻的《傻女》而人氣反彈，其MV昨日凌晨首曝光，吸引大批網民瀏覽，有網民狂踩其唱腔可用作破地獄配樂，亦有網民認為Don因為高登女神兼舊情侶拍檔蔣雅文（Mandy）結婚而「憑歌寄意」，你又覺得Don是藉以宣洩新娘結婚新郎不是他，還是純粹挑戰個人唱功？
Don於02年簽約英皇娛樂而入行，及後被安排跟Mandy以情侶檔姿態合作，惟樂壇成績未如理想而引退。他於10年正式與英皇娛樂結束賓主關係，繼而移居內地發展，去年尾回流香港的Don自資六位數籌備新碟《Fly Me To The Earth》，憑「哭腔」唱式翻唱《傻女》，令幾近被遺忘的他聲名大噪。就連維基百科近日亦都更新註明其資料是「2015年以獨特的『哭腔』重新演繹陳慧嫻經典歌曲《傻女》，在網上爆紅，更成網民熱話。」足見Don人氣急升。
「哭Song」尾段的「呀……呀……呀……」驚為天人，令人一聽難忘，連日來該首歌更是網上搜尋大熱門。昨日凌晨該首歌的MV正式在網上發布，旋即引來大批網民熱烈討論，不過由於MV沒有布景，只得Don在鏡頭前一臉憂鬱獨唱，亦未有如歌中唱得聲嘶力竭，有網民即勁彈MV拍得hea及粗製濫造。
叫網民勿胡亂猜
很多網民對於其另類唱法亦有不同反應，有網民揶揄Don「其實有冇人覺得佢博出位？想紅番呢？」、「多謝佢令我深深體會咩叫7月14喊驚唱法！」及「年度之歌非佢莫屬！」等。
不過有網民則翻起Don跟Mandy的舊緋聞，指Don因為Mandy在過去元旦宣布與台灣男友兼生意拍檔已成婚而大受刺激，所以借「哭Song」抒發情感，對於網民的猜疑，Don昨日接受本報電話訪問時哈哈大笑表示：「唔係，Mandy結婚我都好戥佢開心，好似一個親人嫁人咁，我亦有公開祝福佢，大家冇謂胡亂猜想，完全冇可能。」
想表達失戀情感
提到網民質疑他博出位，Don反擊說：「出位係唔需要靠歌，可以好多其他途徑都得，我亦冇必要嘥咁多錢去博出位，只係想做一隻自己鍾意的唱片。」Don坦言對網民尖酸的言詞感到不開心，他說：「一開始係有少少詫異，但情緒穩定落來，又覺得自己做碟的過程很開心，而且把口生喺人哋到，有noise就得，話之佢好唔好，我都控制唔到。」
Don又解釋為何要喊住唱這首歌：「女人同男人失戀的情感好唔同，男人有他自己的情感，有啲人接受唔到都冇辦法。」對於陳慧嫻自認輸了給他，Don反應甚大：「黐綫佢係我音樂上的前輩，我聽她的歌大㗎！」
編輯：余運慶
協力：Iyo
撰文：Pat、Steven
插圖：何樂
設計：鄧俊明
|
鍾意就快D Share啦！
|
|
|