周杰倫昆凌爆乳婚紗相曝光 去年底已註冊
2015-01-17 18:22:00
周杰倫今日向傳媒發放三張同昆凌嘅婚紗照，同時亦有消息指兩人早於去年底己經秘密註冊結婚。
聽日就係台灣天王周杰倫(周董)三十六歲生日兼結婚嘅大喜日子，將與今年21歲、拍拖4年嘅昆凌喺歐洲古堡內舉行世紀婚禮。周杰倫所屬唱片公司亦宣佈，兩人於去年底已註冊結婚。
其實之前已有傳過話兩人秘密於外地註冊，有次公開活動，周杰倫亦不慎「露餡」，當時有傳媒同佢講，話要喺台灣註冊登記先至算係夫妻，周杰倫當時馬上反問道：「國外不算嗎？」就係呢句，令外間揣測兩人秘婚一事。
有傳婚禮地點係喺英國約克郡內，一座超過三百年歷史嘅著名古堡——霍華德古堡(Castle Howard)，而該古堡嘅官方網頁都發佈通知，稱「因為要舉辦私人活動，我們的場地將在1月18日星期天關閉」，與周董大婚的時間、地點高度脗合。有指周董大方包辦親友們所有食宿和機票，粗魯估許花費超過千萬新台幣(約二百五十萬港元)。
今午周杰倫方面發放婚紗相，合共兩張，係去年10月兩人到法國巴黎、德國天鵝堡同捷克布拉格嘅查理大橋取景，華麗典雅。今次嘅婚紗相，周董全程以電影鏡位方式同攝影師蘇益良討論，出嚟嘅效果華麗又典雅，有啲場景設計，好似喺查理大橋兩岸相望之後相逢，都出自周董嘅諗頭，好似文藝電影咁。
昆凌又性感又高貴。
好有文藝氣息。
|
鍾意就快D Share啦！
|
|
|
