翁靜晶蹺何東曾孫甜蜜睇鑽飾
【中環】
翁靜晶奮鬥史充滿傳奇，感情生活同樣吸引。一九八四年下嫁比她年長二十九歲的劉家良師傅，前年劉師傅不敵癌魔病逝，回復單身的翁靜晶亦開展第二春，前日被影到與曾傳緋聞的何東爵士曾孫何彪在中環甜蜜睇鑽飾。翁靜晶昨受訪時承認兩家人是世交，並說：「適當時候雙方長輩會出嚟講嘢。」
現年五十歲的翁靜晶傳奇半生，由電視演員變身保險經紀，早於九十年代已創下年薪過百萬紀錄，及後重返校園攻讀法律，於二零一零年成為執業律師，曾參與多宗大案，包括葉繼歡上訴案等，又曾與鄭家純紅顏知己王穎妤齊為新世界梁展文案與立法會打官司，傳誦一時。
翁靜晶即使受家人反對仍堅持嫁給年長二十九歲的一代洪拳宗師、著名功夫導演劉家良，並育有兩女，雖然多年婚姻曾遇波瀾，但劉師傅患癌期間，翁靜晶仍不離不棄，肩負起照顧一家重任。劉師傅前年七月離世後，翁靜晶亦選擇退休重過平淡生活，其感情生活則一貫低調，之前曾傳出她與比她年輕一歲、何東爵士的曾孫何彪（Sean Eric Mclean Hotung）交往，但之後未有下文；直至前日下午，被本報記者發現她與何彪手拖手同遊中環，令戀情曝光。
【主動蹺手】
■翁靜晶前日在中環主動蹺實Sean臂彎，非常甜蜜。
【約會行街】
■翁靜晶前日下午被發現與Sean在中環約會行街。
【專攻鑽飾】
■Sean與翁靜晶行經珠寶店，店員更主動出迎向二人介紹。
DV圖片
【盡顯風度】
■翁靜晶大讚Sean很懂得照顧人，會拖實過馬路。
DV圖片
「佢通常都會照顧我」
前日下午五時許，身穿紫色大衣的翁靜晶，與Sean現身皇后大道中附近，翁靜晶和Sean先後行過兩間珠寶店，主攻看鑽石首飾，其間有店員出來招呼兩人，但兩人未有入舖，僅window shopping，閒聊數句後便離開。過馬路時，Sean盡展男士風度，主動拖實翁靜晶；臨離開時要落樓梯，翁靜晶則反過來蹺實Sean，態度親暱。不過兩人甫發現記者即馬上鬆開手，然後急步離開。
記者昨日致電翁靜晶，她大方承認有拖手，她說：「佢通常都會照顧我，成日拖住我過馬路，好gentleman，適當時候我會講。其實唔係乜嘢秘密，行得出街仲有乜嘢秘密吖，暱埋屋企就秘密箒。」是否發展中？她帶點隱晦說﹕「如果我覺得有需要時我就會講。」被問是否不抗拒第二春？她說：「睇睇啦，有時啲嘢，你想要或抗拒都唔到你控制，總之順其自然啦，睇天意。」翁靜晶直言現在雖已回復單身，但仍有好多無形規範，被問到頻頻睇鑽飾，是否有結婚打算？她說：「我都咁大個人，做嘢唔似以前咁衝動。上次（結婚）無家長作主，但今次有乜都要諗埋家長、仔女同徒弟，要顧及好多人諗法，如果再問其他深入啲問題，適當時候雙方長輩會出嚟講嘢，遲少少先，𠵱家真係早咗。」
「我哋兩家人係世交」
翁靜晶承認已見過家長，她說：「我哋兩家人好有淵源，可以講話係世交；我爺爺同何鴻燊阿爸何世光好早認識；而何生（Sean）以前又喺我律師樓工作，𠵱家我冇做，但都算係生意上拍檔。」本報昨日嘗試聯絡何彪的父親何鴻章及妹妹何美雲，欲查詢何彪與翁靜晶的感情生活，但截稿時未有回覆。
採訪、攝影：羅德光、嵐山
■翁靜晶（右一）與劉家良育有兩女，惜劉師傅於前年去世。
|
鍾意就快D Share啦！
|
|
|
