【咪亂俾like】網民勁插范冰冰演技屎 死敵章子怡 微博俾like
2015-01-17 16:30:00
章子怡讚完篇勁插范冰冰嘅微博之後，好快就取消咗個讚好。(微博圖片)
由范冰冰主演嘅內地劇《武媚娘》，播出至今都發生唔少事，好似有個個女角變晒大頭，冇晒事業線。范冰冰又俾網民勁插，話佢演技唔好，而喺近日，就有網民發現，章子怡都有讚過范冰冰被插嘅文章喇。
喺日前，有網民就打咗一篇文章，就係勁插范冰冰，內容大約係咁：「都放到五十多集了，武媚娘還是這麼小白兔這麼瑪麗蘇，真不懂編輯腦子裏在想啥，劇情拖遝，宮鬥淺顯，完全沒耐心看下去。還有就是範冰冰，前前後後演了十六年的戲了，就算是個木頭也該學會演戲了，怎麼演技還是這麼浮誇，真的空有美貌。終於理解她為什麼出道這麼多年還沒有代表作了，人紅演技差的典範。」而網民就發現，章子怡嘅微博，都有讚過呢一篇文章，但係章子怡0依家已經刪咗呢個讚。
其實范冰冰同章子怡傳不和都唔係新鮮事，有名「國際章」嘅章子怡仲係外國影展同大騷嘅常客時，范冰冰亦開始慢慢國際舞台所識時，有傳章子怡曾經頗不是味兒；都有傳有部電影原本係章子怡女主，結果俾范冰冰搶咗……依家喺國際舞台，識范冰冰嘅老外分分鐘多過章子怡都唔定。
不過就有網民截咗圖。(微博圖片)
《武媚娘》出街之後，網民都勁插。(微博圖片)
|
鍾意就快D Share啦！
|
|
|
