被胡漢清禁進大宅 江希文抱女爆喊
【江胡恩怨】全國政協兼資深大律師胡漢清與江希文（Liz）分手的消息傳出後，兩人日日開火，猶如連續劇般精采。胡漢清指被Liz霸佔胡家沙宣道大宅兼想分身家，據知他昨日入稟法庭申請臨時禁制令禁Liz入屋。Liz昨日在電話中反擊：「好奇怪囉！點解佢話我分佢身家，我哋冇結婚，只係想攞child support（孩子生活費），咁同佢身家冇關㗎喎，佢係咪有妄想症呀？」
【爭撫養權】
■江希文昨日抱囡囡Natalie買BB用品，她表示會爭撫養權。
【坐車車】
■囡囡Natalie坐玩具車時說要戴安全帶，好醒目。DV圖片
【滿場飛】
■江希文囡囡Natalie活潑滿場飛，江還跟囡囡講故事。
【狂標淚】
■江希文覺得胡漢清不懂怎樣愛她，說時眼淚狂流。
有信心爭到撫養權
昨午近四時，Liz帶同囡囡Natalie到南區海怡東貿廣場購買童裝及日用品，Natalie跳跳紮展現童真一面，見到一家人的毛公仔，還指着笑說：「爸、媽、公、婆。」似乎未明父母已鬧分居。之後Liz陪囡囡玩玩具車，Natalie又醒目地說﹕「Seat belt（安全帶）！」Liz還細心跟囡囡閱讀王子與公主的故事書，買完大堆兒童用品後，兩人逗留約一小時準備離開之際，囡囡即扭計嚷着要繼續玩，Liz便出動糖果𠱁她。
Liz在停車場接受訪問時，對有指胡漢清出臨時禁制令，她說：「我冇回應，但想講一樣嘢，當年我係冇唔開門畀佢媽咪，佢係有入嚟攞嘢，只係胡漢清走咗出去，唔想蒙上唔開門畀奶奶呢個污點。」她否認要搶家產：「小朋友由細到𠵱家都係由我一個人湊，分開都冇分別，其他交畀律師。」她表示囡囡很少提爸爸，她有信心爭到撫養權，她說：「佢可以去爭嘅，冇所謂。」為何胡漢清受傷？她不屑地說：「我唔知點解佢會有喎。」
之後有店舖職員幫Liz攞了一箱剛買的貨物上車，她突感觸落淚說：「我由識佢到𠵱家，佢都唔會幫我拎任何嘢。未見過胡生幫我攞過呢啲嘢，我已經唔係一個好有要求嘅人，我只不過需要一個男人關心同愛，但我諗佢係唔識愛我囉，只諗住畀家用你、畀架車你揸、或者買隻戒指你就好幸福，佢始終唔係好明一個女人要乜。我需要關心、體恤……（哽咽）佢都冇做囉，我都唔識講。」那為何愛他？她說﹕「好快有BB，我都未了解佢係乜嘢人。但唔會後悔，因為有咗呢個女已經好安慰。啲人成日喺屋企講粗口又郁手郁腳，咁分開都係一件好事。」
胡：逼婚成功可分身家
胡漢清友人昨在電話中回應：「胡生嘅意思好清楚，係若逼婚成功可以分身家。按江希文提出嘅贍養費要求，跟一個離婚妻提出嘅要求都冇大差異。」另昨有報道指胡漢清聲淚俱下求母親莊永楚（胡老太）原諒，胡老太契女白韻琹昨在電話中哈哈大笑說：「真係太陽從西邊出嚟，胡律師幾時會認錯？尤其係對媽媽。」她表示一直有跟胡老太聯絡，胡老太可會原諒兒子？白姐姐說：「佢到𠵱家都話當冇生過個仔，唔需要再提。」
採訪、攝影：皓騫、栐仁、陳辰、吳耀輝、李志明
■胡漢清禁止江希文入沙宣道大宅。資料圖片
【LIVE】渣馬直擊
http://bit.ly/nextmedialive
|
鍾意就快D Share啦！
|
|
|