掃呢頁CODE去手機

2015年1月28日 星期三

[FACE - 401] 喊上位  33歲慶生賀 80萬點擊 𢱑大台拍劇狂接登台騷 李逸朗:唔再用哭腔唱〈傻女) 李逸朗,MF,




首次出戰渣馬,李逸朗都唔敢偷懶,上週五( 23日)都去公園加操,保持狀態。

真面目

喊上位  33歲慶生賀 80萬點擊 𢱑大台拍劇狂接登台騷 李逸朗:唔再用哭腔唱〈傻女)

娛樂圈係鬥長命, 02年開始出道一直未有代表作嘅李逸朗( Don),上週突然成為紅人,全因佢自創用哭腔翻唱陳慧嫻金曲〈儍女〉,古怪唱腔令網友大為震撼, 5日衝過 80萬點擊。

雖然負評居多,但有人鬧即有人睇,令阿 Don多咗揾銀機會,即時多咗登台騷接,而據知 Don仲想入大台拍劇再谷人氣添。阿 Don就話:「多咗人揾我登台,但唔會再用哭腔唱〈儍女〉!」乜咁嘥料呀?







33歲李逸朗( Don)本週出碟翻唱一眾經典金曲,用咗哭腔唱〈儍女〉,點擊率大增, 5日點擊過 80萬,雖然被不少網友負皮兼惡搞,但亦令 02年出道嘅阿 Don再度被關注。他說:「網上好多評論,我自己初時都有唔開心,但後來諗我做娛樂圈責任係娛樂人,但估唔到我認真做音樂會變咗騎呢。」

雖然離開咗香港幾年,不過仍有一班忠實 fans在周日( 25日)為他慶祝 33歲生日。

網上圖片

〈傻女〉哭腔版有聲音版同導演版,兩個加埋 5日已超過 80萬,他說:「 hit過晒我以前所有歌,但初時睇完啲評語都有唔開心。」

網上圖片

「好希望返無綫!」

有人鬧即係有人睇,除咗網友負評亦有唔少人想揾 Don登台,他說:「有好多人揾我登台,(介唔介意唱〈儍女〉?)唔介意,歌係要唱㗎嘛,不過唔會再用哭腔唱囉,我覺得如果現場唱成咁真係有問題。」

除咗出碟, Don亦好想再拍劇,當年同蔣雅文拆伙後,隻身北漂揾機會。他說:「每日去片場派 profile派咗幾百份,住幾十蚊賓館,食幾毫子餃子,我係要慳住洗因為唔知冇工開到幾時。」半年後終拍第一套作品《張小五的春天》,雖然只係男三,但都有兩萬人仔叫守得雲開。據知 Don將會留港再發展,亦接觸過大台高層,他說:「好希望返無綫啦,我唔介意捱,幾錢人工冇所謂,我要嘅係機會。」

跑到攰飲水, Don諗住食住〈傻女〉個勢本週出碟,拍劇就想留喺香港拍,他說:「幾錢人工唔緊要,我要嘅係機會」。

李逸朗平時打籃球多,所以就算首次出戰 10公里都冇問題,成績 1小時 6分,慢周柏豪 2分鐘咋。

強國首作

為咗搵機會,李逸朗(箭嘴)日日到片場派 profile,隔咗半年終於等到。喺《張小五的春天》做男三,他說:「因為有派 profile,有個製片突然想起我。」

11年亦同 Yumiko拍攝大陸劇《浪漫滿廚》,劇中都有唔少對手戲㗎。

網上圖片

最後劇集

李逸朗 07拍過《十兄弟》後就冇再拍大台劇,據知監製潘嘉德都想畀機會佢,但最緊要過咗珍姐呢關先啦。

《蘋果日報》圖片

戲劇總監曾勵珍

李逸朗 02年出道,當年同蔣雅文以「 Don& Mandy」組合出現。 10年拆伙, Don開始北漂生活,蔣雅文亦淡出幕前,最近仲宣布嫁台灣男友。

《蘋果日報》圖片

勁多翻唱

潮流興翻唱,除咗李逸朗外,其實仲有好多人會翻唱經典,就連容祖兒最近都翻唱張學友〈這麼近那麼遠〉。祖兒當然冇出事啦,就連上年首次出碟嘅田蕊妮都冇事。不過咁多位前輩唱,都冇李逸朗呢次咁有「驚喜」囉!

容祖兒最近翻唱學友〈這麼近那麼遠〉,但鋒芒就被前師弟李逸朗蓋過!

張敬軒前年出過《 Pink Dahlia》翻唱 10首舊作,當中有陳慧嫻嘅〈夜機〉。軒仔當然一致好評

去年田蕊妮出首張唱片《 You Are My Man》翻唱 10首歌,唱歌出身嘅阿田亦冇令人失望。



鍾意就快D Share啦!