[忽然1周 - 1019] 小心呀！梁詠琪踩 3吋高踭掃奶樽 梁詠琪,BKD_S,MW,

GiGi睇得入神，着住三吋高踭鞋嘅佢愈𠌥愈低，小心啲呀。

媽咪姐

小心呀！梁詠琪踩 3吋高踭掃奶樽

啱啱過咗立春，媽咪姐就梗要去買新衫過年，促進經濟繁榮咁啱就俾我喺利園見到佗住 8個半月巨肚嘅梁詠琪（ GiGi）同經理人 shopping。以為佢哋都係買新衫過年啦，點知走去買 BB用品。唔係啩？預產期係 3月，仲未買齊？媽咪姐梗係走去八吓啦。

佢哋首先入咗一間英國母嬰用品名店，奶樽、嬰兒沐浴露、毛巾、紗巾及清潔消毒用品等等，幾乎乜都睇。雖然挺住巨肚，但 GiGi四肢依然纖幼靈活，一時舉手拎嘢、一時𠌥低身睇。咦，咪住先！乜原來佢着咗對 3吋高嘅高踭 boot㗎？會唔會牙煙咗少少呀！

事後媽咪姐都係有啲擔心，特登打去搵 GiGi傾吓媽咪經。一傾之下，先知原來佢之前一啲嘢都未買過：「我以為我買得早㖭！諗住香港咁方便，隨時落街就買到啦。未買齊㗎，太多選擇，又驚揀錯，仲煩過自己買衫。」咁你對高踭 boot又係點㗎？佢就好放心咁話：「好矮咋嘛，咁粗，唔驚嘅！我哋慢慢行，好安全。」好啦好啦，媽咪姐都係女人，知道佗 B都貪靚嘅，下次記得叫你個鬼鬼老公陪你呀。

手腳 keep幼

背面睇 GiGi對腳都仲好瘦吓，點估到佢前面佗住個巨肚。

佗住 B女嘅 GiGi，全程都揀紅色同粉紅色用品，好 sweet！

粉紅色奶樽，啱晒 B女。 Shopping之前， GiGi已經做晒功課，見佢手上攞本黐晒 post it嘅 catalog就知啦。

嘩，呢個角度睇， GiGi個肚真係巨得交關。好彩塊面唔算好腫， keep得到。

自 GiGi有咗，西班牙籍老公 Sergio就成日跟出跟入，細心照顧。點解今次偷懶先？ GiGi話：「佢要返工嘛。」咁好啦，下次要陪番老婆嘞。《蘋果日報》圖片

巨肚煮婦

巨肚煮婦

下個月就生得， GiGi依家深居簡出養胎，得閒無事下廚𠱁吓老公，難得 Sergio竟然識食「黑白」！ GiGi即刻話要出街買靚芝麻。

鍾意就快D Share啦！

下一篇 》