熱爆娛樂: [忽然1周 - 1019] 千嬅帶病慶生　 high到三點千嬅,楊千嬅,MW,

2015年2月6日星期五

為俾驚喜千嬅，老公丁子高暗中安排好晒節目，連蛋糕都訂造。佢仲自稱係 M.T.R. Family，好鬼馬！

前幾日先開完 7場演唱會嘅楊千嬅，話咁快又踏入佢嘅 41歲生日喇！周一（ 2日）晚千嬅生日前夕，老公丁子高就好浪漫， 7點就喺中環 Armani/Aqua包場請埋千嬅家人食飯慶祝，到咗 10點仲開 party，佢班老友陳奕迅、黃偉文、 Eric Kwok等等都嚟晒，同千嬅倒數迎生日。

不過呢，之前俾囝囝搞到病咗嘅千嬅，仲係食緊藥，冇得同班老友互劈，只係坐埋一邊食蛋糕。

媽咪姐見到咁，都戥千嬅無奈。本來可以上台唱吓歌玩吓，因為病咗，只好將飲酒喪玩嘅「重責」交俾最有表現慾嘅老公。不過千嬅病住都陪大家 high，玩到凌晨 3點，壽星女真係不易做囉！

睇千嬅切蛋糕切到好似做手術咁，查實之後都係食落肚，狠心啲

Wyman喺網上話自己「可惜我不是水瓶座」，又係嘅，千嬅同 Eric Kwok同年同月同日生， Eric老婆葉佩雯就喺 2月 1日生日，有緣到咁，唔係唔一齊慶祝嘛！

丁子高喺老婆千嬅嘅演唱會尾場忽然出現，仲跟住又唱又跳。表演慾嘅嘢，真係擋都擋唔住㗎！

千嬅正日生日（ 3日）同老公丁子高去咗睇劉嘉玲嘅《杜老誌》，仲喺現場捕獲野生發哥，拉住對方合照。

曳曳嘆啡

俾囝囝 Torres傳染搞到病咗嘅千嬅，仲食緊藥，生日唔可以飲酒。但係佢之前仲飲緊咖啡喎！

美心妹妹 Keicy（胡梓盈）俾媽咪扮到千嬅咁，佢媽咪話係囡囡想做複製千嬅喎！

睇 Keicy媽咪搵咗紅色卡紙同環保袋做衫，將個女包到似足千嬅喺 concert嘅造型，連髮髻都學埋，又幾認真喎！

鍾意就快D Share啦！