熱爆娛樂: [忽然1周 - 1019] 入院前獨家捕獲　謝天華老婆巨肚出巡謝天華,MW,

2015年2月6日星期五

[忽然1周 - 1019] 入院前獨家捕獲　謝天華老婆巨肚出巡謝天華,MW,

2/2　臨盆前行商場

周一中午，即臨盆前一日，謝天華帶老婆 Tina去圓方商場行街。行咗一陣，謝天華見老婆行到夠皮，於是同佢買雪糕食。兩人一路行一路食，當眾晒甜蜜。

打頭陣

入院前獨家捕獲　謝天華老婆巨肚出巡

47歲謝天華同 42歲老婆李天恩（ Tina）一索得男，剛為人父的謝天華急急在微博報喜。天天（天華囝囝乳名）出生 5磅半，精靈可愛。

本周一（ 2月 2日），即入院開刀前一天，本刊獨家拍到謝天華夫婦在圓方撐枱腳，當時體重達 180磅的 Tina， 48吋巨肚非常誇張。

翌日（ 3日）清晨 7時許，兩人棄用平日代步的座駕，秘密入養和剖腹生仔。據知天華囝囝是 3號辰時出生，貴人多之餘亦好旺爸爸，難怪謝天華錫到燶。

其他影片：>>臨盆前精神緊張　謝天華拖巨肚妻出巡
>>養和首訪　謝天華囝囝似老婆

花 60萬搞了四次人工受孕的謝天華夫婦，幾經辛苦終於得米。本周二（ 3日）清晨 7時，謝天華送妻秘密入養和剖腹產子，晚上其好友宋熙年在《東張西望》代為報喜，「謝天華同佢老婆嘅愛情結晶品今日出世，母子平安！」

勁似老婆

5磅半天天

周三（ 4日）早上，謝天華在微博 post自己同囝囝「天天」的合照。從照片睇，囝囝勁似天華老婆 Tina。

一向恨仔的天華難掩喜悅心情，更揚言要令兒子成為「最棒的男孩」。

未懷孕前，天華老婆 Tina身形甚 fit，為了佗 B，她重了 60磅，認真大犧牲。

蠱惑避記者

本周二清晨 7時許，謝天華為了逃過傳媒追訪，棄用平日代步的座駕，與老婆換車離開寓所去醫院。其間 Tina發現本刊記者在寓所外守候，偷偷反拍記者，更將記者及採訪車 post上 facebook，並說：「今朝 7點幾响屋企樓下……究竟想典（點）呢？？！」

成功秘入養和產子後，中午十二時許，謝天華陪產後與男性友人離開養和，本刊記者上前恭喜他，他竟然搞笑咁答：「我今日嚟探朋友。」說罷即匆匆離開。

48吋巨肚

買雪糕嘅時候， Tina一側身，不經意露出 48吋巨肚。

愛妻號謝天華，沿途當然拖實老婆護花

當日天華泊好車， Tina就一馬當先。連日來足不出戶的她，明顯悶爆。

揀靚時辰出生

3/2　唔認老婆生

周三晨早天華陪老婆入養和生 B。中午 12時許，陪產後的他與友人離開養和到附近用膳。記者恭喜他時，他表示:「探 friend，探親人。」唔認做老竇。

不過，據堪輿學家譚雲龍指出，謝天華囝囝出生時辰甚佳，「早上 7至 9嘅辰時係『合官得貴蛇化龍格』，一出世就行好運，仲好旺爸爸，將來事業有成。」

其實 Tina的預產期為本月中，但自懷孕後，她體重飆升，懷孕 6個月時，已激增 40磅。加上他們篤信風水命理，所以謝天華知道老婆佗仔時，已找師傅替囝囝擇日開刀。當知道 2月 3日是吉日兼好時辰，便決定提早開刀，讓老婆不用佗得太辛苦。

本周一（ 2日），謝氏夫婦趁入院開刀前一天，享受二人世界。當日兩人十分小心，從九龍衞理苑寓所出車時，曾刻意將 Audi座駕慢駛，又在佐敦道突然停車，觀察有沒有記者追訪，之後他們開車到附近的圓方拍拖食 lunch。

停車場「講數」

到達停車場時， 180磅的 Tina挺住 48吋巨肚小心翼翼落車，發現記者拍照的謝天華，即 Laughing哥上身，上前同記者「講數」：「嗱！大家好做，我俾你影，影到夠為止。我覺得咩都有偈傾嘅，你哋有得交差，我食飯食得舒服， OK？ Deal？」記者當然遵守諾言，遠距離拍攝，不打擾兩夫婦撐枱腳的雅興。

謝天華說罷即上前追回老婆，兩人到商場內的食肆正斗開餐，四十分鐘後甜蜜蜜拖住離開。他們經過童裝店舖時，謝天華更忍唔住觀看櫥窗的 BB衫，慈父相出晒嚟。

之後他們繼續在商場搵食，拍拖到 Haagen Dazs買雪糕。據知謝天華平日會勸老婆少食生冷食物，不過 Tina翌日要入院開刀，他亦破例俾老婆「放縱」一次。 Tina食完產前最後一杯雪糕，滿足地由老公護送返家。

謝天華一向愛蒲，又多靚女埋身。不過自從老婆懷孕他便減少夜蒲。

謝天華一向恨仔，見到洪天明兒子洪大仁時，更忍唔住肉緊錫面珠。

天華緊張老婆

今年 47歲的謝天華，今回一索得男，但亦因為老婆三高（高齡、高血壓、高血糖）關係，故老婆懷孕以來謝天華的情緒都異常緊張。尤其 Tina臨盆前一個月，他更經常失眠。「天華同啲 friend呻，可能因為第一次做老竇開心得滯，成日瞓唔着。佢話好 enjoy挨埋老婆個肚聽 BB嘅聲，同個胎傾吓偈。佢要成日 check住老婆有冇食『違禁』食物，因為 Tina的血糖偏高但好為食又鍾意食甜嘢呀。我哋從未見過佢咁緊張，個個都笑佢緊張大師。」

42歲的 Tina，是三高產婦，懷孕以來早晚都要篤手指 check血糖，仲要小心控制飲食，難免心情煩躁，情緒波動。不過謝天華就好細心服侍老婆。自 Tina有喜以來，謝天華謝絕夜蒲，修心養性，變身愛妻號。

知情者透露︰「 Tina有咗之後，約親天華食飯，佢都帶埋老婆一齊，怕老婆一個人在家胡思亂想。佢好緊張個 BB， Tina想食熱氣嘢，佢會𠱁佢唔好食。未夠 7個月時， Tina想飲凍檸茶，佢就好冧咁求老婆『唔好飲生冷嘢啦，乖』」

如今 Tina母子平安，看着小生命的出生，謝天華在微博留言，透露初為人父的心情：「筆墨難以形容的感覺實在奇妙。」又話︰「會培養你成為一個最棒的男孩。」看來謝天華終於可以結束這段老婆佗仔恐懼症候群，展開廿四孝老竇新一頁了。

去年十月， Tina同應采兒一齊睇嬰兒用品。當時她身懷 5個月身孕，步伐依然輕鬆。

10月揀奶泵

兩人在一系列嘅泵奶器前研究了近五分鐘，最後應采兒介紹了 Medela的泵奶器俾 Tina，盛惠 3,465元。

這款泵奶器深受媽媽歡迎，唔少餵人奶嘅媽媽都買佢㗎！

31/1　產前兜風

產前精神緊張的謝天華，有時會自己揸住綿羊仔兜兜風，減減壓。

早認生男 B

雖然老婆大肚之後，謝天華一直低調。

不過，初為人父嘅佢，其實近期都忍唔住在微博晒興奮心情，仲暗示一索得男。

自爆愛「男」

早前謝天華上載身穿藍色 T恤的照片，然後高呼:「我愛藍」。藍與男同音，暗示生男 B。

砌名牌 B牀

好友應采兒同小春，送咗張價值六千蚊嘅英國名牌 Silver Cross嘅 BB牀俾謝天華，佢仲開心到即刻砌牀。

明冧老婆

見老婆佗 B辛苦，成日陪住老婆嘅謝天華都有喺微博出手，玩合成照，一人化身四角，暗示做老婆阿四。

補品催谷

為令老婆瞓好啲，謝天華同老婆買咗好多花茶，以及高鈣食品，等老婆補補身。至於 DHA食品，就對嬰兒成長有益，仔乸都照顧到。

靚佬變肉緊奶爸

謝天華中年得 B，自然緊張。其實圈中不少星級「奶爸」都視仔女如命根，為照顧子女精神緊張。

劉德華

華仔除安排 4個貼身保鑣和 3個保母照顧妻女，更一擲千萬豪裝加多利山獨立屋，打造妻女安全窩。從未公開曝光的女兒向蕙，今年 5月就滿 3歲要入讀幼稚園 K1，有傳華仔仲親自帶囡囡去幼稚園面試。

吳彥祖

吳彥祖為迎接愛女吳斐然出世，因而停工半年陪老婆 Lisa S.坐月。女兒出世後，佢又用半年時間全職湊女。復工後出席柏林影展期間，吳彥祖亦趁空買嘢俾 B女，甚至親自試戴口水肩，肉緊到爆。

陳曉東

為人父後的陳曉東每次談及女兒朵朵都喜不自勝，又自爆為女餵奶、換片，樣樣親力親為，就算是囡囡打疫苗、報戶口等事項都跟到足。

囝囝行 40年好運

譚雲龍

據堪輿學家譚雲龍指，天華囝囝命格五行齊全，屬「合官得貴蛇化龍」格：「 BB一出世就行 40年好運，仲好旺爸爸工作。佢有天德、月德同天喜三大吉星，做事積極、進取，將來貴人多更事業有成。

「不過 25至 30歲就易有車禍同水險，要小心揸車同游水。呢個時辰出世係冇乜兄弟姊妹星，佢唔似有細妹。佢金木水火土都齊，改名最好有木或有水。」