[忽然1周 - 1020] 周董結婚冇乜 friend到 江蕙搶晒鏡 江蕙,周杰倫,周董,MW,

周杰倫同身着全白婚紗、笑容甜美嘅「 J夫人」昆凌喺舞台上切蛋糕，跟賓客分享佢哋新婚嘅喜悅。

媽咪姐

周董結婚冇乜 friend到　江蕙搶晒鏡

台灣天王周杰倫同昆凌喺英國行完「世紀婚禮」，本周一（ 9號）就喺台北補辦婚宴。不過睇番當晚出席賓客，只有張小燕、張菲、費玉清等長輩，香港代表就只有曾志偉同劉偉強。不過最搶鏡嘅，竟然係就快封咪嘅歌后江蕙。

其他影片：>>周董媽媽落閘　封殺吳宗憲

據江蕙朋友表示，「江蕙怕自己出現，會被傳媒追訪，唔想打擾周杰倫婚宴，曾婉拒過出席。但因為她很照顧周杰倫，兩人情同姊弟，於周杰倫誠意邀請下，才決定出席。」為保持低調及避傳媒，江蕙當晚仲由停車場走秘密通道上樓，雖然佢堅持唔接受採訪，但仍然場外場內俾記者同歌迷圍，成為景點呀。

當晚江蕙雖然全晚保持低調，但歌后光芒點都遮蓋不住，成為全場焦點，好多人跪求佢嘅封咪騷飛。

蔡依林

周杰倫兩位前女友蔡依林同侯佩岑都冇收到紅色炸彈，但都話祝福周董喎！

侯佩岑

鍾意就快D Share啦！

下一篇 》