[忽然1周 - 1020] Mandy Lieu靠口技坐穩小三位 Mandy,劉碧麗,Mandy Lieu,MW,

Mandy Lieu話晒係美馬混血兒，自細又喺馬來西亞長大，外語實力唔使懷疑，周焯華帶佢去傾公事，又啱數喎！

媽咪姐

Mandy Lieu靠口技坐穩小三位

好多人都以為做小三，都係靠個樣或者身材，媽咪姐就唔係咁睇喇！好似啱啱返咗香港養胎嘅 Mandy Lieu咁，有咗 6個月仲陪周焯華（洗米華）飛去柬埔寨金邊傾賭場生意，再轉機去泰國曼谷唞幾日，咁舟車勞頓，你估大肚婆唔辛苦咩？

其他影片：>>做人小三甚艱難　 Mandy Lieu忍得捱得搵命搏
>>洗米華心在 Mandy　正印 Heidi奇招撼小三

不過 Mandy Lieu可以咁得寵，並唔係陪周焯華周圍去咁簡單，查實佢嘅口技先係重點。有語言天份嘅 Mandy Lieu係混血兒，能操流利四文五語，包括英語、粵語、國語、馬來西亞語同日語。阿華哥依家生意愈做愈大，帶住佢四圍去當翻譯都抵不過， Mandy同正印陳慧玲互相出招，爭寵爭出面，睇嚟下回係鬥快生 B喇！

未懷孕前， Mandy去過唔少東南亞地方，好似越南咁，呢次佢陪周焯華去柬埔寨，要適應當地氣候冇難度。

懷孕冇耐嘅 Mandy Lieu，俾人喺網上瘋傳佢做人肉梳化。冇所謂嘅，佢哋出親埠都俾人影到，多一次都唔多

周二（ 10日）晚，周焯華同太太陳慧玲去咗睇澳門《賭城風雲 II》首映，周太仲話嚟緊農曆年會一家去旅行。咦！又嚟宣示主權喎！

鍾意就快D Share啦！

下一篇 》