全城熱爆的娛樂八封新聞 & 時事趣聞 & 生活 + 趣聞
7號晚，汪峰喺北京豪花百萬為章子怡搞生日趴地，繼而再嚟一個跪地求婚。咁又得咗不過睇嚟「好戲」在後頭。
周杰倫、昆凌台北擺婚宴，喜氣洋洋；而對岸都有喜事，就係上周六（ 7日）晚國產汪峰向國際章求婚成功。本來呢 pair都係喜事，理應受人祝賀，可惜新聞一出，網友即刻鬧爆汪峰係下流渣男，先劈腿令前度自殺身亡，又拋妻棄女，唔明章子怡點解揀佢？
之後仲爆出國際章阿哥（章子男）老婆喺汪峰嘅求婚 party上面掟嘢搗亂，章子男仲喺網上直認有件咁嘅事，話老婆做得啱！但轉個頭，章子怡阿哥同汪峰工作室齊齊否認發生不快事，連章子怡父母都發聲明，話係有人故意抹黑準女婿。唉，喜事變鬧劇，究竟係有人真係想搶頭條、抑或有人太多仇家？真係天知地知，只有當事人先知囉！
章子怡阿哥唔妥章子怡阿哥發微信大數汪峰賤男，話老婆掃場掃得啱。不過佢事後否認搞寸 party，而㷫爆章子怡似乎勁嬲阿哥，喺微博話俾人傷害。
暫時擺平求婚騷變成一場鬧劇，仲要勞動到章家兩老發親筆聲明。國際章同土產峰都夠騎呢！
