掃呢頁CODE去手機

2015年2月13日 星期五

[忽然1周 - 1020] 吳國敬又話求婚谷票房 吳國敬,MW,




吳國敬新加盟嗰間公司真係人才濟濟,有近排紅到識飛嘅天堂鳥!

媽咪姐

吳國敬又話求婚谷票房

吳國敬前幾日話收咗千萬加盟新公司,同門師兄弟仲有天堂鳥,聽落好似幾多人吓嘅。佢仲喺記招話:「嚟緊嘅音樂會加場嘅話,會買鑽石戒指同女友( Elaine)求婚。」媽咪姐聽到嗰刻都戥佢哋 sweet,但係諗一諗,同佢拍咗 8年拖嘅女友 Elaine,未必受喎!







老老實實,吳生呢幾年都開過呢張期票唔少次,好似前年年尾咁,女友就因為佢成日彈票,話結又唔結,終於忍唔住嗌分手,最後要班兄弟出手擺平。呢次佢又嚟多次話求婚,仲夾正 timing開騷前講啲咁嘢,有谷個唱飛之嫌喎!小心講到咁大,到時又冇影,女友今次仲會唔會扮冇事,就好難講喇!

今年就 50歲嘅吳國敬,同女友 Elaine拍咗拖成 8年,其間話結婚都講咗 N咁多次。查實拖咁耐,對大家都冇好處

前排吳國敬同 friend去到銅鑼灣,仲主動提議去啤啤佢,睇嚟簽約新公司,又收到咁大筆錢,心情唔錯咁喎!

再彈票,真係祝君好運喇!

鍾意就快D Share啦!