【晴報專訊】王祖藍高調迎娶李亞男，一連兩日大宴親朋，他們在情人節註冊結為夫婦後，昨日又在香港迪士尼樂園酒店設宴。有傳很多贊助令「藍男婚禮」倒賺200萬元，新郎哥懶理是非，並謂最重要是大家玩得開心。
香港迪士尼樂園酒店昨天星光熠熠，約下午五時許，新婚夫婦王祖藍與李亞男率領兄弟姊妹團進場，八位伴郎打扮成「小矮人」模樣，而一班伴娘則化身「美艷巫婆」。
一對新人身穿白色禮服從長樓梯緩緩而下，十足童話公主和王子般，兩人並在米奇和米妮的陪同下舉行切餅儀式。
新居歎情人節大餐
祖藍接受訪問時表示：「昨晚（星期六晚）瞓得非常好，在屋企享受情人節晚餐，然後就休息。」亞男直言婚禮當晚沒有驚喜，至於二人有否洞房，他們則尷尬唔肯講。
有報道指是次婚禮獲太多贊助，令他賺凸200萬元，祖藍連忙澄清：「使費都唔止呢個數目啦，最緊要係開心，我唔介意人哋點講。（咁使咗幾多錢？）真係我一年薪酬幾百萬呀，但難忘回憶係無價寶。」
志偉想點玩都得
他們又透露曾志偉預備了一些遊戲，祖藍續說：「冇佢（志偉）嘅話我就冇得求婚，所以佢點玩都得。（唔怕志偉飲醉？）應該唔會，佢都驚醉咗過唔到關呀。」問到婚宴上可有驚喜？祖藍直言：「今晚無驚喜，悶到爆，有請Live Band，很多朋友自動獻身表演，阮兆祥、韋綺珊及杜麗莎等，邊個即興就可以上嚟唱。」
此外，問志偉向一對新人提供甚麼招數，他笑言：「送咗幾隻AV碟畀佢哋睇，送咗好耐。」
撰文：Pauline
攝影：林良明
編輯：陳禮恒
設計：鄧俊明
相關新聞
|
鍾意就快D Share啦！
|
|
|
