古天樂相睇嗌尷尬
■阿佘與古仔近日為新片周圍飛宣傳。
古天樂、佘詩曼在賀歲片《衝上雲霄》合作，二人在農曆新年期間會一起赴星馬及內地宣傳，日前二人在灣仔接受訪問，古仔表示雖然開工至年三十晚，但每年大年初一必定要與父母拜年，他說：「一定要呀，我係長子嫡孫，我屋企要拜神，由我負責，新年要跪地斟茶，年年都要，最慘係年三十晚拜祖先，要睇時辰，有時凌晨五點都幾甘㗎。」
古仔的父母思想傳統，是否希望他開枝散葉或安排過相睇？他笑說：「邊關事呀？如果我去到相睇真係大鑊，我都幾尷尬，不過我由細細個拜到牛龜咁大個，每年都要去拜年，啲親戚都見怪不怪，見佢哋都一家大細，我仲係一隻嘢坐喺度。」阿佘則表示新年會與媽咪去拜年，但媽咪性格洋化，故沒有傳統習俗。
採訪：溫敏芝
攝影：陳俊強
■古天樂每年大年初一必定與父母過。
■阿佘今年陪媽咪外出拜年。
■古仔在新片《衝上雲霄》，半裸與佘詩曼談情。劇照
|
鍾意就快D Share啦！
|
|
|