全城熱爆的娛樂八封新聞 & 時事趣聞 & 生活 + 趣聞
郭晉安明明被傳媒圍住做緊訪問，突然有師奶兵團突圍而入，扯住安仔自拍，你睇安仔神情就知有幾「驚喜」！
視帝郭晉安演戲當然經驗老到，但係有時撞着內地師奶兵團突襲，幾好戲都掩飾唔到內心驚慌嘅。
上週三（ 28日）郭晉安喺九展出席一個頒獎禮，攞完獎安仔例牌要接受傳媒訪問啦，點知就喺傳媒影緊相之際，突然一班操內地口音嘅師奶衝埋佢身邊係咁影相，初頭安仔仲識笑笑口扮冇嘢，但係另一位師奶一手扯住安仔 selfie，安仔當堂嚇到呆咗，幾秒後先定到驚，仲話原來喺內地登台遇過更「熱情」粉絲，仲試過被抓傷同埋扯走手表添，又難怪佢咁驚
未埋身前，先測試拍攝角度。
之後成個頭挨落去，唔使錢咩？
