全城熱爆的娛樂八封新聞 & 時事趣聞 & 生活 + 趣聞
蔣家旻負責買同俾錢，仲要拎住份早餐，但李豪只係幫手攞住杯汽水，欠咗啲風度囉。
大台唔少上緊位嘅姐仔，都屬姣爆一族，緋聞多到數唔晒。好似就嚟停播嘅《愛•回家》咁，飾演馬子妮嘅蔣家旻，緋聞雖則唔算多，但傳得都係同劇對手，好似朱敏瀚同羅天宇，仲有依家《愛》劇拍檔李豪咁。呢日媽咪姐同班姊妹去西貢食海鮮，就見到佢哋孖住去麥記買早餐。蔣家旻主動排隊買餐，李豪只係企埋一邊等攞汽水。阿李生做極都係三、四線，蔣家旻都肯同佢捱老麥，都算係唔話得。
蔣家旻同李豪去到麥記，企到隔幾個身位，好似驚俾人發現佢哋一齊咁。
蔣家旻同李豪喺劇中演情侶，私下都好 friend，成日孖公仔黐到實。
4年前拍《點解阿 Sir係阿 Sir》，蔣家旻就睇中朱敏瀚，同佢拍咗兩年拖，但後來因樂瞳（右）介入，導致分手。
同朱敏瀚分手後，就傳過佢同《愛•回家》入面「哎吔阿哥」羅天宇日久生情。
