婚事被迫告吹 齊昕前未婚夫傷感現身 [壹週刊 - 1305] 齊昕,梁齊昕,M1,

因為父母壓力而婚事告吹，齊昕情緒低落兼暴瘦，其實都幾慘情。

探熱針

婚事被迫告吹　齊昕前未婚夫傷感現身

原本在英國名校倫敦政治經濟學院（ LSE）讀法律的二十三歲特首女梁齊昕，去年突然停學回港，表面理由是想停一停諗一諗，是否適合做律師，但據了解，她是為了跟拍拖三年的大學同學 Michael結婚，而放棄學業。

可惜，出身於中產家庭的 Michael不被特首夫婦接受，施壓要二人分手，令齊昕大受打擊。

唔夠門當戶對

據了解，拍拖三年的齊昕和 Michael，早已視對方為結婚對象，由於男友修讀經濟早一年畢業，去年齊昕決定停學，隨 Michael回港，跟父母商量婚事。

「齊昕好不滿父母 judge佢嘅朋友，又經常問佢朋友嘅家庭背景、父母工作、成績，係咪喺劍橋或者牛津讀書，可想而知，會點挑剔 Michael。 Michael出身中產家庭，父母喺政商界冇人脈，之前喺英國拍拖，梁振英已經覺得個男仔襯唔起自己個女。因為得唔到家人支持，齊昕情緒好波動，嗰時已經開始𠝹手；後來講到要結婚，更加大力反對，當時齊昕同佢哋嘈過好多次。」知情人說。

分手數月，被問到還有否見齊昕時， Michael擰擰頭，狀甚無奈。

去年九月， Michael以未婚夫身分為齊昕慶祝生日，當時她留言冧 Michael：「要多謝呢個男人，我欠佢好多，佢為我作出好大犧牲！」

被拆散想尋死

去年中，齊昕終於抵不住父母壓力，向 Michael提出分手，並傷心到𠝹手自殘發洩。到了八月，齊昕在 facebook貼上「跳樓吧」及「死，驚什麼」兩條留言， Michael見到非常心痛，忍不住跟她復合。

去年九月， Michael以未婚夫身分，為女友慶祝生日，當時齊昕在網上公開二人 sweet相，又留言冧男友： I owe him a lot and he has sacrificed so much for me.（我欠佢好多，佢為我作出好大犧牲！）

Michael跟齊昕十分登對，可惜這段情得不到齊昕父母祝福。

在英國讀書時，齊昕和 Michael的關係很公開， 13年她生日時， Michael為她搞 party，又在同學面前送花給她。

在名牌大學畢業的 Michael相當勤奮，跟同事吃飯半小時便趕回公司工作。

雖然是特首女，但齊昕的喜好很普通，之前跟 Michael同遊海洋公園已樂上半天。

去年八月，齊昕在 fb的留言令 Michael十分心痛。

Michael跟齊昕會孖住出席朋友敍會，在朋友圈子是公開的一對。

佔中期間分手

可惜，齊昕父母一直不接受 Michael，去年佔中期間，雙方關係更加白熱化。

「 Michael喺 fb有 follow學聯副秘書長岑敖暉 fan page，佢唔認同梁振英嘅處理手法，但齊昕好撐老豆，所以兩個嘈得好緊要；加上齊昕媽咪成日話佢同 Michael係來自兩個世界，佢哋唔會有將來。佢哋喺嗰段時間再次分手，雙方都好傷。」

據知，現於保險投資公司工作的 Michael是個工作狂，午飯時間亦不會歎慢板，通常半小時便回到公司。

記者早前到公司外等候 Michael，對於跟齊昕是否仍有見面，他無奈地擰擰頭。但問到是否梁振英反對，以致婚事告吹及被迫分手等， Michael一概不作回應。

去年中感情受困的齊昕曾𠝹手自殘。

情傷失眠暴瘦

失戀令齊昕情緒大上大落，長期失眠而暴瘦，但仍頻頻問身邊人自己是否好肥，健康和心理狀況均令人擔心。早前承認曾接受情緒輔導的齊昕說：「阿媽話我乜嘢都唔缺，要乜有乜，唔明我點解仲經常唔開心，覺得我身在福中不知福，甚至覺得我咁好折墮。佢根本唔明白，我係內心問題先至唔開心，佢唔會了解。」

自分手後，齊昕失眠暴瘦，情緒大上大落。

早前齊昕單拖逛中環，行行吓無端甩鞋，認真尷尬。

去撐李逸朗當晚，齊昕手上有新𠝹痕，可見仍情緒不穩。

早前齊昕和母親一同出外，她狀甚低落，沒怎樣聽母親說話。

齊昕愈來愈消瘦，但她仍覺得自己肥胖。

雖然受父母壓力，但齊昕自言心底很孝順，又謂自己是家中黑羊，讓父母擔心。

累埋李逸朗

現身撐李逸朗音樂會，齊昕低胸示人。

齊昕唔只結唔成婚，連戲都拍唔成。有指她已簽約，答應夥拍李逸朗演出新片《男極探射燈》，但據講因為該片導演劉俊輝過去曾拍過多套三級片，加上由陳惠敏扮演齊昕戲中父親，令齊昕家人反對，要贖回合約。

入行以來首次有機會擔正做男主角的李逸朗說：「暫時冇乜進展呀，未收到電影劇本，如果真係要延期，我四月就冇期拍，等經理人同佢哋傾。」

照咁睇，呢鋪凍過水！李逸朗男主角夢，泡湯！

鍾意就快D Share啦！

下一篇 》