曾華倩俾仔箍 [壹週刊 - 1305] 曾華倩

週末赤柱人多， Martin搭住媽咪膊頭一齊行，包冇走失！

同你吟一吟

曾華倩俾仔箍

個仔得兩歲，已經同老公林肇基分開咗嘅曾華倩，一個女人照顧獨子 Martin十四年，寶貝仔仲係喇沙書院泳隊中堅，作為單親媽咪，超額完成。

母兼父職，曾華倩同十六歲大嘅 Martin母子情特別厚。早排《壹》仔見到兩母子同兩女一男，一行五人揸車去咗赤柱度週末；喺赤柱廣場泊低車，行去赤柱大街嗰邊兜咗個圈，逐間鋪望吓，跟住又走返過去廣場影吓相，其間，六呎幾高嘅 Martin當街箍住老媽子玩，兩母子零代溝！

曾經有傳曾華倩之所以同馬國明分手，係因 Martin唔係咁接受對方；為人母，嗰份犧牲精神的確唔係可以用情理去界定，所以，我信！

四十九歲曾華倩同寶貝仔零代溝，高大嘅 Martin成份身掛喺阿媽膊頭，搞到曾華倩幾乎企唔穩。

身為喇沙泳隊中堅嘅 Martin，今年一月先滿十六歲，已經六呎幾高。

兩母子喺赤柱廣場影埋合照，跟住攞車走人。

一行五人揸車去赤柱，行吓企吓望吓，見到啲膠雨褸，曾華倩摸吓啲質地，冇幫襯。

鍾意就快D Share啦！

下一篇 》