掃呢頁CODE去手機

2015年3月19日 星期四

家庭茶聚 甘比大劉黐到實 [壹週刊 - 1306] 甘比,劉鑾雄,大劉,M1,



入到𨋢,大劉扶一扶甘比條腰,提醒佢行入少少。

同你吟一吟

家庭茶聚 甘比大劉黐到實

早排《壹》仔撞見大劉劉鑾雄媽咪,率領大劉、甘比、細劉劉鑾鴻及太太,仲有兩個女劉玉珍同劉玉慧,去到金鐘太古廣場,嚟個家族三點三茶聚。

自從幫大劉生咗一對仔女之後,甘比响劉家嘅地位果然一日比一日鞏固,不過當日因為要照顧大劉,又要幫眼睇實大劉媽,甘比未有帶埋囡囡劉秀樺以及囝囝 Joseph Junior同行。

歎完茶,大劉負責扶起媽咪,細劉再接力拖實阿媽,甘比全程傍實,再幫手攞廁紙俾大劉抹手。一家人之後行去升降機等𨋢,突然有人提議嚟張 family大合照,於是由保鏢揸機操刀,影低開心時刻。

落到停車場,甘比一直扶實近來行動不便嘅大劉,但對眼就𥄫實大劉媽,直到老人家安頓好,佢同大劉先至慢慢行上車走人。

甘比嘅細心,贏盡劉家上下歡心,這些機會,呂麗君,冇份!

保鏢揸機,幫手影家庭大合照,甘比大劉黐到實,之後甘比同大劉細妹劉玉珍即刻睇番張相效果。

雖然大劉自己都行動不便,但一樣盡力照顧媽咪,甘比就响旁邊攞定紙巾。

餐廳門口有樓梯,劉老太上落要格外小心,細劉太太 Linda同佢大女劉玉慧負責扶實。

細劉兩公婆,仲有劉老太兩個女負責照顧老人家上車,而甘比同大劉離遠望到實,見一切安頓好,先至上車離開。

鍾意就快D Share啦!