31歲的 Stephy重戰球壇仍有氣有力，連番攻勢扣殺為隊伍連奪幾分，結果下午賽事以 21比 10及 21比 17連勝兩局打低對手。
探熱針
出資組排球隊 Stephy招攬球花
曾是港青排球代表的鄧麗欣（ Stephy），近日決定再戰球壇，自資六位數做排球隊領班，組隊「 Loey」出賽。眼見排球女神莎賓娜吸金吸睛吸粉絲，食腦領班 Stephy照辦煮碗招攬球壇索女入伍。週日（三月十五日）由她率領的「 Loey」首度落場開波，隊員仲個個睇得又打得。
跟隊友齊受罰
效法余文樂組籃球隊出戰，曾是港青排球代表的 Stephy近日亦自資組排球隊「 Loey」出賽。本週日（三月十五日），她以隊長身份率隊參加旺角花墟球場舉行的「第三十五屆全港公開排球錦標賽」女子組丙組資格賽。
重返球場， Stephy完全放下藝人身段，穿起⑤紅色球衣，束起馬尾以素顏落場的她，懶理被其他球隊粉絲起哄包圍狂影，只專心在場邊做熱身。賽後更與隊友圍圈坐低，乖乖聽從教練賽後分析及訓話。偶有球員駁嘴累全組被嚴師罰做掌上壓， Stephy照樣跟隊友一齊受罰，無分大細。
十年冇打波，年過三張的 Stephy不失昔日「大錘」本色，無論發球抑或攻擊，強勁彈跳力加重錘扣殺，輕易為隊伍得分。至於防守技術亦唔輸蝕，多番攔網成功為球隊守住分數。
下午一戰，以十幾分拋離連勝兩局，但到晚上作賽，因技術不敵對手，加上組成「 Loey」只有數月時間，輸經驗輸默契，未能成功晉級。
球花 Joe
年齡： 27
三圍： 32、 24、 34
身高： 174cm
Joe屬 Mandy Lieu開設的 model公司「 Quest」旗下，曾拍手機 Samsung及相機 Canon廣告。
球花 Inez
年齡： 27
三圍： 33、 24、 35
身高： 171cm
有幾分似田蕊妮的 Inez，拍過滙豐及 UA財務廣告，早前她拍住古天樂拍第二輯萬寧廣告即將出街，成為新一位萬寧妹。
上網招攬靚女
近年排球界彈出哈薩克「十二頭身」排球女神莎賓娜，吸引唔少粉絲追捧，作為球隊揸 fit人的 Stephy似乎深明此道，為球隊招攬不少有樣有身材的球壇小花，其中①身材高䠷兼皮膚白皙的 Joe、樣子甜美的⑩ Cindy，以及$「翻版田蕊妮」 Inez，個個都相當養眼，球迷可以睇樣又睇波，雙重享受。
對於為球隊招攬「球花」， Stephy直認：「我專登揀㗎，有睇頭嘛！招攬隊員由我一手包辦，想搵啲新血係熱衷打排球，有部分託朋友介紹，有啲上網搵，成隊人之前互相唔識大家，好似昔日 Cookies咁。最搞笑係我哋第一次聚集出嚟練波，班隊友見到我好驚咁問：『咩事呀？係咪有偷拍？』」
出錢出力組排球隊， Stephy稱一心只為推廣排球運動。「呢個係我志向，唔只出賽，日後希望做多啲排球推廣同慈善活動。」除了做排球領班，近日 Stephy更考獲健身教練牌。「我好熱衷運動，除健身牌，我仲考咗急救牌同潛水牌。」實行與另一半、運動員出身的方力申睇齊。
多瓣數
擅製甜品嘅 Stephy，近日亦埋頭研究煮大餐，一手炮製南瓜湯、焗肉批、炒雜菜及奶凍全餐。
|
鍾意就快D Share啦！
|
|
|
