2015年3月25日 星期三

爭寵 被孤立大報復  Barbie爆雞排妹姣錢國偉 [FACE - 409] 雞排妹,鄭家純,錢國偉,夏尉喻,Barbie,MF,



Barbie話對自己嘅樣貌同身材都好滿意,仲話冇整容需要喎!

真面目

爭寵 被孤立大報復  Barbie爆雞排妹姣錢國偉

三個女人一個墟,仲一定會充滿是非!講緊因為拍《台北夜蒲團團轉》而傳出不和嘅台灣雞排妹同陀地寸嘴 Barbie(夏尉喻),首映當日雞排妹擺款唔肯同 Barbie合照,兩人不和浮晒上面!

寸嘴 Barbie日前接受本刊訪問時,邊喊邊大爆拍攝時被恰傷心事,除咗俾台灣演員杯葛,又試過因為雞排妹擺款而臨時取消專訪,仲數爆喺片場勁嗲導演錢國偉添!寸嘴 Barbie話:「雞排妹真係好嗲㗎!佢一叫導演(國語發音),導演就即刻軟晒!」人離鄉賤,返到香港輪到 Barbie發圍囉!

雖然有約雞排妹食飯,不過當提到因為雞排妹取消專訪一事, Barbie就忍唔住喊埋出嚟!

原本演開閒角嘅寸嘴 Barbie今鋪翻身有望,新戲《台北夜蒲團團轉》榮升女一肉搏男主角關楚耀,點知突然爆出同雞排妹不和傳聞,原來被孤立只係冰山一角,好戲仍在後頭。

台星杯葛

週日( 22日),在海旁跑步的 Barbie顯得心事重重冇笑容,本刊追問佢同雞排妹點解不和,她起初例牌否認,不過之後愈爆愈多,「佢係幾率直嘅人,記得有一次電影公司安排我同雞排妹一齊做專訪,當時佢同記者有唔同意見,結果雙方企硬,最後佢仲取消埋個專訪,仲話禁止記者採用當日嘅相,如果唔係會循法律途徑追討,自己當時都有唔開心!」

Barbie仲喊住咁話,拍到煞科仍被一眾台灣演員杯葛:「一開頭已經 feel到有隔膜,強烈感受到佢哋好抗拒自己,我為咗補鑊就去買嘢食畀佢哋,但佢哋就覺得呢個舉動好造作,我聽到忍唔住匿埋一邊喊,因為佢哋到煞科嗰日都係唔理我!」

據 Barbie透露雞排妹嗲功有一手,一開聲叫導演, Wilson就當場軟晒軑。《蘋果日報》圖片

為咗可以喺星爺執導新戲《美人魚》撈得一角, Barbie可謂奇招盡出,最後成功求得閒角。《蘋果日報》圖片

嗲功冧導演

返到香港宣傳首映中雞排妹拒絕合照, Barbie就話:「可能佢覺得件衫太長,驚我會踩到佢,加上大家風格唔同,佢走日系、我走歐美系,不過大家最後都有合照」

至於問到雞排妹為人時, Barbie竟然話:「我一直覺得台妹好溫柔同直接,雞排妹就係率直嘅表表者!加上佢真係好嗲㗎!因為佢喺片場一叫『導演』兩個字, Wilson就即刻軟晒㗎!我都試過學佢咁叫導演,不過 Wilson就唔受我呢套囉!」睇嚟錢大導都係鍾意食雞排多啲喎!

首映當日,雞排妹原本企硬唔肯同谷到對咪上頸嘅 Barbie影合照,不過傳媒三催四請,雞排妹先勉為其難企埋一齊,之後仲作狀篤 Barbie個巨胸搶鏡。

Barbie(左三)空降台北拍攝《台北夜蒲團團轉》,諗住買食物孝敬吓台灣姐仔,不過換來「造作」批評,直到電影煞科嗰日都依然孤伶伶一個人,難怪 Barbie要匿埋一邊大喊,陰功豬!

雞排妹同陸永在新戲《台北夜蒲團團轉》有激情肉搏場口,雞排妹仲泳衣上陣同陸永纏綿,仲笑佢拍攝時「在抖」。

Barbie喺新戲《台北夜蒲團團轉》榮升女一,同男主角關楚耀有較多對手戲。

次次有新聞

因為經常亂講嘢而被封為「寸嘴 Barbie」嘅夏尉喻,唔只個名特別,連是非亦唔少!

得罪姐仔

《喜愛夜蒲 3》上映時,爆出許亦妮(右)喺化妝間指住 Barbie大喝︰「喂!你做咩睇我電話?」寸嘴 Barbie其後堅持冇偷睇,隨後就收到監製伍健雄 order,表示任何人再講 Whitney壞話就會停晒所有電影宣傳活動。

寸嘴響朵

Barbie因為參選《亞洲小姐競選》,對住記者口出狂言,因而被封「寸嘴 Barbie」。《蘋果日報》圖片

鍾意就快D Share啦!