吳若希主場先有得威 [FACE - 409] 吳若希,MF,

現場觀眾玩完遊戲有得同兩位 BB selfie，吳若希掛住影靚樣， Heidi就肯扮鬼臉。

全知言

吳若希主場先有得威

吳若希真係無處不在，上週二（ 17日）電玩遊戲宣傳又見到佢，但係佢呢日嘅風頭竟然輸咗俾 Heidi（李靜儀）喎！

本身係 Super Girls成員嘅 Heidi，因為喺《女人俱樂部》演李若彤個女而成為 Heidi BB，當日出席遊戲宣傳吸引到二十幾位粉絲到場舉牌吶喊；相反吳若希竟然得小貓三四隻，認真失威喇！不過返到大台吳若希就巴閉喇，夜媽媽門口聚集十幾人都係等佢放工咋，若希 BB都好大方同佢哋影完合照至走，做明星同踢波一樣，始終都有主場之利嘅！

Heidi喺遊戲宣傳當日有幾十位粉絲撐場，吳若希呢？都有幾位嘅！

本月 14日有十幾個粉絲喺大台門口等吳若希收工，依依不捨咁影咗大合照，若希 BB至同助手離去。

鍾意就快D Share啦！

下一篇 》