全城熱爆的娛樂八封新聞 & 時事趣聞 & 生活 + 趣聞
又南孭啲菜係真嘅，睇落都有十斤八斤。
黃又南 31歲仔第一次喺香港拍劇，之前未見識過拍劇有幾辛苦，但今次拍《殭》就知味道喇。話說上週一（ 16日）又南同鄭嘉穎、陸永喺西環第三街拍攝，劇情講又南同陸永喺鄭嘉穎間食店打工，要接受嚴格訓練，又南要綁住雙腳、揹住一大籮菜踎低跳樓梯，嘩！聽到都想死！見又南跳幾級已經身水身汗，跳多兩嘢即刻上氣唔接下氣，乸口乸面個樣唔係演技嚟，操吓好喎後生仔。
啲菜拋去邊呢，原來係俾陸永炒飛天通菜，不過冇火又冇油，是但
又南要扮接，視帝鄭嘉穎就食住雞蛋仔睇表演。
其實又南只係跳幾級都要 NG兩次，又堅係上氣唔接下氣。
劇情講又南跳到攰俾陸永恥笑，呢啲唔使演技。
