掃呢頁CODE去手機

2015年3月10日 星期二

允兒BB變心 戀林更新? 拍劇對足三個月 傳緋聞 允兒,




【韓流】允兒BB變心 戀林更新? 拍劇對足三個月 傳緋聞

2015-03-10 17:00:00



女團少女時代個個都咁紅,所以佢哋都不時單飛拍戲或出席各類型活動,好似當中最受歡迎嘅允兒BB咁,佢之前處女下海拍攝佢首部內地古裝劇《武神趙子龍》,允兒為咗拍劇,不時要中韓兩邊走,都幾頻撲㗎。

原本允兒前前後後要留喺內地成三個月,即係話佢同男友李昇基就要不時分隔兩地,點知今日就有雜誌話允兒BB留喺內地拍劇時,因為同內地演員兼男主角林更新日對夜對關係,無論鏡頭前後都好似連體嬰一樣,上個月佢哋宣傳時仲不避嫌地頭貼頭咁傾偈,行徑好鬼親密,難怪連允兒BB嘅粉絲都以為女神變了心。

不過粉絲就唔使驚,估計呢啲都係劇組嘅宣傳手法,而且早前允兒同李昇基先被發現齊齊戴上情侶手鏈,所以感情仲係好穩定。反而李昇基現時就忙於讀書,現時就讀於東國大學影像研究所文化資訊學碩士課程嘅李昇基近日佢上緊堂嘅照片就喺網上流傳,只見佢好鬼專心,名副其實係一名好學生。而下月或五月李昇基將會以歌手回歸樂壇,唔少粉絲都話好期待。

至於少時嘅Tiffany日前為Baby G拍攝廣告照片,只見佢穿些性感服飾大擺甫士,誘人程度真係令人噴血。



Tiffany好誘人



允兒BB古裝造型都好靚女



李昇基好勤力

鍾意就快D Share啦!