已經35歲嘅崔建邦（Amigo），予人形象花心兼唔定性。雖然曾同唐詩詠拍拖多年，但多次離離合合，最終分手收場。但隨住呢隻冇腳嘅雀仔事業未見起色，緋聞亦相繼減少。
不過，今日有報道指崔建邦原來已經月前已經秘密結婚，而對象就係Mandy Lieu模特兒公司嘅18歲o靚模陳嘉莉（Kelly）。據知兩人半年前認識，女方拍拖兩個月已經火速搬到崔建邦位於飛鵝山嘅寓所同居。雖然Amigo情史記錄不佳，但陳嘉莉一樣冇有怕，仲採取速戰速決策略，成功游說崔建邦於月前秘密結婚。究竟有幾秘密？註冊過程只得雙方家人見證，連親友以及好友都未能得悉。
有指崔建邦會於八月擺酒，屆時會正式派帖向傳媒公布婚訊。
