嘉玲法國揀靚貨踩入酒界
【陳嘉敏巴黎直擊】影帝梁朝偉（偉仔）太太劉嘉玲與《一代宗師》中飾演偉仔太太的宋慧喬齊現身巴黎睇騷，真假老婆各具姿色，力撼近期爆紅的荷里活女星狄高達莊遜；近年大搞生意的嘉玲，除經營餐廳、酒吧、美容、時裝及家品外，更透露會順道到訪法國酒莊洽談紅酒特許權，有意進軍紅酒業！
巴黎時裝周一向吸引不少亞洲及外國明星遠赴花都朝聖，於巴黎時間3月6日就輪到時尚品牌寵兒劉嘉玲現身。大忙人嘉玲日前才在港為珠寶比賽擔任評判，轉眼已飛到巴黎欣賞時裝秀，更巧合地與丈夫梁朝偉於電影《一代宗師》中的太太宋慧喬同場。嘉玲以一身青綠色連身裙到場，艷光四射，甫到場即吸引中外傳媒拍照；至於韓國女星宋慧喬就以連身短裙上陣，清新可人，同樣大受歡迎，她大讚品牌服飾設計優雅有魅力，此行是一次十分愉快的體驗。偉仔的真假太太各具美態，更力撼憑情色電影《格雷的50道色戒》而升呢的荷里活女星狄高達莊遜（Dakota Johnson），三大美人輕易成為全場焦點，並同樣獲安排坐在頭排睇騷，地位超然！
與偉仔視頻傳情
完騷後，嘉玲受訪時大讚花都美麗，所以每次來巴黎的心情也很好。她又謂身穿的綠色裙子是根據心情及天氣而選擇。她又稱會在巴黎逗留約一周，稍後會到訪法國酒莊，但她否認有意買酒莊：「我好鍾意飲紅酒，但我唔會買個酒莊，如果見到好嘅紅酒，會同佢哋傾吓特許經營。」看來嘉玲的生意可能會再擴展範疇。至於剛過去的元宵佳節，嘉玲自言當時已身在巴黎，故未有跟偉仔一同慶祝：「我當日食咗個好浪漫嘅晚餐，我同偉仔對節日冇乜所謂，用電話傳情，依家又可以視頻。」
撐吳君如攞影后
嘉玲又憶述曾與偉仔一起遊覽過浪漫之都巴黎，她笑說：「好耐之前佢幫Yohji Yamamoto行騷時一齊嚟過，不過都好多年前。我諗都有需要再嚟度蜜月，不過我嚟緊會拍一部內地電影，而佢又就快開戲，所以都冇時間。」此外，對於將快舉行的金像獎頒獎典禮，問她可有影后心水？她即力撐好友吳君如說：「我都唔知有邊個入圍，我淨係睇過君如套戲，加上私人感情，我會投佢一票。」率真的她答得落落大方！
|
鍾意就快D Share啦！
|
|
|