吳綺莉聞女想自殺：冇可能發生！
現年16歲的「小龍女」吳卓林一直與女星吳綺莉（Elaine）相依為命，惟日前卓林突報警稱被母親虐打，繼而警方於其家中搜出疑似毒品，最終到警署助查並保釋外出。原來事件始末與Elaine飲酒有關，卓林於苦無辦法下驚動警方救母。昨日Elaine憔悴暴瘦出現，接受傳媒訪問時直言：「everything is fine!」其後她接受有線獨家訪問，重申自己沒有虐打女兒，對女兒想自殺一事大感難以置信，直言：「冇可能發生！」又在鏡頭前流淚承諾日後會好好照顧身體。
女星吳綺莉（Elaine）與吳卓林向來感情要好，前日卻因涉嫌虐兒被捕，正當Elaine到警署協助調查期間，警方卻於其家中搜出疑似毒品，故Elaine需保釋外出，由於案件涉及虐兒，兩母女暫時未能相見。
昨日，繼續有傳媒守候在Elaine位於大埔的寓所，早上時分只見其家傭於屋外洗車及打掃，期間傳媒多次按門鐘也沒人應門，至下午1時多，張學潤（Nelson）及友人登門造訪，表示此行前來談工作，並已預先約好，但於屋外5分鐘才有傭人應門，廿分鐘後有線攝製隊亦相繼入屋內，眾人逗留兩小時後離開。Nelson離開時透露：「Elaine情緒穩定，係幾日冇瞓同掛住囡囡，因為幾日冇見個女。」至4時許，Elaine從家中步出，並駕車抵渣甸山衞信苑舊居，甫落車便引來傳媒追訪，化了淡妝的她聲稱幾日沒睡，面露憔悴兼身體瘦削，雖然不欲多談，但仍應要求接受簡短訪問，問到對於報道的感受，她謂：「唔想亦唔會回應，everything is fine!」說罷便步入大廈，問到會否為涉毒事件澄清，她亦充耳不聞。
卓林唔知點樣收科
對於愛女報警「救母」，Elaine接受好友張學潤為有線主持的訪問時，透露當日她接女兒放學，卓林在電話中告訴她正與老師談話，未幾她重回校舍，竟接獲老師通知指卓林想自殺，此時有兩個警察到場向她問話，並指卓林聲稱被母親虐打，然後她被邀助查。她在訪問中重申沒有動手虐打女兒，更即場輕輕拍推主持Nelson，反問：「咁樣都算係打咩？」對於女兒傳自殺，她坦言感愕然：「老師話個女想自殺，喺我角度都冇乜可能發生，因為每晚都同個女傾偈，其實我都唔知發生乜事，呢幾個月都冇人（學校）搵我，冇諗過咁大件事，話個女告我打佢，咁驗傷後都冇，撞瘀係睇得出。」談到警方曾到其家中搜查，期間搜出疑似毒品，Elaine表示不知情，故已交由律師處理。
事情發展至今，Elaine表示也不知可以做甚麼，但言語間自責忽略了女兒感受：「本身我個人比較硬淨，會忽略咗個女嘅承受能力，佢由細至大都有人識……飲酒呢樣嘢，其實係因為我唔想食安眠藥瞓，呢個問題由細到大都有，係個女驚我身體有事……我都係飲紅酒，烈酒唔飲，可能有時飲多咗，小朋友唔識處理。」她又透露卓林契媽曾與卓林通電，更爆囡囡事後「好驚」：「佢唔知點收科，我叫契媽同佢講，冇事嘅，有咩事媽咪喺度，因為佢告我，佢唔可以返屋企，所以我安排咗個地方畀佢住。」
明白囡囡報警「救母」
Elaine坦言明白卓林之所以出此下策，全因擔心她所致，雖然卓林現時不敢聽她的來電，亦不敢看她的WhatsApp，但有透過不同渠通問候大家，訪問末段，Elaine更邊喊邊謂：「個女都係覺得媽咪唔照顧好自己身體，驚我工作壓力大有病，大家知大家好愛對方，唔係就唔會報警，唔係想傷害我，佢驚我就嚟死啫，我會保重身體，努力工作。」據知，卓林尚在醫院接受觀察，並對友人透露事發後幾乎沒有好好睡過，報警一事考慮已久，虐打只是藉口，更指母親又煙又酒，每晚要喝兩支酒，喝醉便哭，雖向她說過一些難堪說話，但自己從未怪責過母親，反而心痛母親於壓力下愈來愈瘦。
雖然Elaine疼錫女兒，但她向來賞罰分明，並於多年前接受內地訪問時表示，女兒剪了她手袋上的鎖匙圈，並向她說謊，令強調家人之間不可欺騙的Elaine怒不可遏，拿了皮帶抽打她，還不小心在女兒臉上劃了一下，最終更要女兒拿《辭海》三小時罰站，直至她認錯。
文：影視組
攝：追蹤組
|
鍾意就快D Share啦！
|
|
|