張國榮，想你。
十二年前的一個黃昏，死神無情地奪去你的軀殼，但我們深信，你的靈魂從未離開過，並一直陪伴着哥迷。明日是哥哥張國榮的十二周年死忌，縱然物換星移，但哥迷對偶像思念從未減退，全國哥迷仍自發性舉行連串紀念活動，向哥哥表達敬意。我們都想你，miss you much！
明日是哥哥張國榮逝世十二周年，哥迷對偶像的思念，沒有因歲月流逝而沖淡，亦沒有因時代變遷而改變。世界各地的哥迷，均對愚人節特別感觸，近由廣州，遠至上海、北京、哈爾濱等地，都有哥迷自發性舉行各式各樣的悼念活動，以表對哥哥的思念之情。
■哥哥張國榮離開十二年，但哥迷對你的思念從未減退。
【今生今世】
■嘉玲認為今生今世都沒人能取代哥哥在演藝圈的地位。
■哥哥03年在文華東方酒店（紅圈示）墮樓喪命。攝影：陳俊強
哥迷明晚伊館念偶像
至於香港，哥迷除了一如以往在哥哥墮樓身亡的中環文華東方酒店門外獻花致祭，以及在山頂杜莎夫人蠟像館舉行紀念活動外，明晚會在伊利沙伯體育館舉行《繼續張國榮——傳奇回歸再創經典》，屆時招呼千多位哥迷入場。負責人李小姐昨接受電話訪問時表示：「現場會有48呎大銀幕，到時會播《張國榮跨越97演唱會》同《熱情演唱會》嘅片段，好多謝商台支持，借咗2000年哥哥拉闊音樂會嘅片畀我哋播。」
■張國榮03年4月1日自殺離世，哥哥一對孖生外甥女在喪禮上捧遺照送別，唐唐傷心痛哭，場面至今歷歷在目。
問哥迷可希望每年都有大型悼念活動？她說：「其實大細冇所謂，只要係紀念哥哥，唔係醜化嘅都支持。好似李逸朗同鄭敬基搞嘅音樂會都支持。」近日有內地哥迷在網上留言擔心安全問題，李小姐說：「已經同佢哋講會好安全，但有啲係一個女仔單獨嚟，我哋幫到都會照應。」
哥哥生前經理人陳淑芬曾表示有意在明年哥哥六十歲冥壽辦音樂劇，李小姐認為普遍哥迷都歡迎此舉：「不過我諗大部份哥迷都唔想有人扮哥哥，因為哥哥只得一個，係冇人可以代替。不過都知道如果陳太搞，會用科技，利用3D效果去做。」她續說：「其實哥迷諗法好簡單，只係想紀念哥哥。紀念品亦要有人出先有得買，其他嘢唔會諗。」陳淑芬昨接受電話訪問，表示今年依舊會去寶福山致祭，問她可會參與歌迷悼念活動？她說：「唔會，自己有安排！」她續稱現正籌備明年舉行的音樂劇。
紅姑：我唔覺得佢走咗
哥哥生前圈中朋友眾多，他們對哥哥的思念，絕不比哥迷少。鍾楚紅偶然會想起這位《縱橫四海》拍檔，她昨受訪時說：「其實我係唔覺得佢走咗，平時生活又經常睇到同聽到佢啲歌同電影，因為佢嘅歌同電影好經典，𠵱家睇番一啲唔過時，所以我一直覺得佢好似仲喺度。」至於當年與哥哥同住May Tower的劉嘉玲，因樓上樓下關係，經常相約打牌，感情十分要好，嘉玲昨表示：「諗唔到哥哥死咗有十二年咁耐，佢喺演藝圈地位係冇人可以替代，佢離開，真係演藝圈最大損失，𠵱家偶然都會想起佢。」
與哥哥合作過經典電影《胭脂扣》的導演關錦鵬，昨日在北京接受電話訪問，問他對故友逝世十二年有何感覺時說：「咁快十二年嘞，作為佢好朋友，佢走第一年我係咁講，佢走咗十二年都係咁講。」
採訪：小米、李森
【風再起時】
■紅姑認為哥哥根本從未離開過，因到處感覺到他的存在。
|
鍾意就快D Share啦！
|
|
|