掃呢頁CODE去手機

2015年4月9日 星期四

蔣志光啤酒送茶葉蛋 [壹週刊 - 1309] 蔣志光,M1,



同你吟一吟

蔣志光啤酒送茶葉蛋

喺香港影圈同樂壇都做過唔少崗位嘅蔣志光,舊年俾王祖藍放咗佢上世紀經典歌《相逢何必曾相識》入去《老表,你好 Hea!》,搞到班後生仔女好似驚人新發現咁,熱炒!

俾着其他人,一定把握機會,借勢搵番筆,偏偏蔣志光寵辱不驚,冇將剎那光輝無限放大,就算之後攞埋台慶最佳男配角同專業演員大獎,亦一切如常。

早個禮拜,《壹》仔喺銅鑼灣見到蔣志光走咗去白沙道老三陽,買咗袋滷水豆腐同茶葉蛋,跟住再去埋 7仔,買咗兩罐啤酒返屋企。呢個世界,有啲人會覺得魚子醬香檳先係享受,蔣志光選擇茶葉蛋送啤酒,自得其樂。

八珍忽然想起充大頭搞到周身債嘅麥長青,做人得一想二,貪就輸!

茶葉蛋五蚊隻,滷水豆腐八蚊一嚿,再整多兩罐 Asahi,收工返屋企,蔣志光慢慢歎!

唔使住淺水灣,住銅鑼灣,屋企樓齡同蔣志光一樣大,都係六一年,附近仲望到銅鑼灣樓王禮頓山。

鍾意就快D Share啦!