掃呢頁CODE去手機

2015年4月19日 星期日

曾江憑《竊聽3》摘男配 從影60年首奪電影獎 曾江,



【金像獎】曾江憑《竊聽3》摘男配 從影60年首奪香港電影獎

2015-04-19 20:50:00



「第三十四屆香港電影金像獎頒獎典禮」最佳男配角競爭激烈,名單如下:

王寶強《一個人的武林》

林雪《那夜凌晨,我坐上了旺角開往大埔的紅VAN》

吳孟達《香港仔》

方中信《竊聽風雲3》

曾江《竊聽風雲3》

最後男配角由吳家麗頒發,先請候選人之一、未合作過嘅林雪上台,最後由曾江憑《竊聽風雲3》套奪獎,今次亦是曾江在香港電影金像獎,首次奪得電影獎項。

曾江神情凝重嚴肅地謂:「無論係台前幕後工作人員,我多謝佢哋。多謝熱愛香港電影嘅人士,佢哋用心用力,將香港金像獎搞得轟轟烈烈,但佢哋嘅工作好多人忽視,作為香港電影界,應該多謝佢。

曾江續道:「多謝評審,多謝咁多年來嘅工作伙伴,無佢哋嘅包容合作...無論係台前幕後工作人員,我多謝佢哋。多謝支持咁多年嘅觀眾。最緊要多謝佢(指向天),無論你叫佢咩都好,多謝佢俾我健康,無健康我點可以工作?希望佢繼續支持我。」

最後曾江謂:「今晚喺呢度,見到好多熟口熟面、一齊工作嘅朋友,好高興同你哋同一地點同一時刻,感受到呢個榮譽,多謝!」另一半焦姣在台下亦感動得眼泛淚光。

曾江接受傳媒訪問時謂:「當然係好開心,不過其實我係想個獎可以頒俾比我後生嘅人,呢個獎唔係個人得到,而係導演、劇本、角色同合演各人嘅功勞,所以呢個獎應該同大家分享至係。攞配角仲艱難,因為主角成日有機會出場,配角喺幕前演出機會比較少,要喺咁短時間令觀眾有感覺仲艱難。」







(電視圖片)



(電視圖片)



(電視圖片)



(電視圖片)



(電視圖片)



焦姣在台下亦感動得眼泛淚光。







鍾意就快D Share啦!