日本導演廣木隆一 冇預前田敦子剝衫拍床戲
2015-04-15 11:16:00
日本著名導演廣木隆一曾拍過不少三級片，近年卻轉拍愛情電影，好似《生命最後一個月的花嫁》、《雷櫻》、《閃爍的愛情》等，全部都起用當時得令偶像演出，而佢嘅執導新片《歌舞伎町24小時時鐘酒店》，就同AKB48首代一姐前田敦子初結片緣，男主角就係《寄生獸》嘅染谷將太。
廣木隆一日前來港出席香港影視娛樂博覽，此行有抽空接受本報專訪，對於有傳前田敦子演出該片時諸多意見，又臨時要求刪減原有嘅情慾戲，廣木導演就開腔否認，佢話冇如傳聞咁講發爛渣，仲話收到前田敦子嘅電話打嚟就傳聞道歉。
至於韓國女星李恩宇為《歌舞伎町24小時時鐘酒店》有大量裸露鏡頭，廣木導演指對方曾演過金基德作品《切夫之痛》，係由韓國朋友推薦下造就呢次合作。談到今次電影舞台發生於時鐘酒店，拍攝時要到打開門做生意嘅酒店取景，結果花上逾10天時間喺時鐘酒店開工，佢又話知道旺角好多時鐘酒店，講笑話要再嚟香港拍一套《旺角24小時時鐘酒店》喎！
韓國女星李恩宇
廣木隆一否認同前田敦子不和。
廣木隆一笑言想開拍一齣香港版《歌》片。
前田敦子演《歌舞伎町24小時時鐘酒店》，不過冇大膽床戲。
|
鍾意就快D Share啦！
|
|
|