青雲媾劉美娟 輸畀邵仲衡
大台重播23年前神劇《大時代》引起全城熱話，劇中演員全部翻hit成焦點。昨日有雜誌翻邵仲衡舊賬，指他當年與郭藹明曾經拍拖，兼被劉青雲撬牆腳一事。不過，本報得悉劉青雲當年確向邵仲衡女友展開熱烈追求，惟那人並非郭藹明，亦非曾跟邵仲衡拍拖的邱淑貞，而是85年參加健美小姐入行、01年與張崇德結婚的劉美娟，邵仲衡亦向本報親證：「個女仔唔係郭藹明！」
現年51歲的邵仲衡，當年是大台力捧小生，在《大時代》演丁蟹大仔丁孝蟹亦十分搶鏡。不過，邵仲衡於95年決定離開無綫，其間都有拍外埠劇，但01年與圈外太太Wendy結婚後便消失幕前，轉戰商界經營越野車店，去年才復出參與拍攝港台劇及客串電影《點對點》演出，未料重返娛樂圈即有新聞，指他與郭藹明有一段情，並被劉青雲撬牆腳。
■邵仲衡（上圖）否認曾跟郭藹明拍拖，但不回應劉青雲是否曾追求當年女友劉美娟。
郭藹明
劉青雲
劉美娟
「對方180度轉變」
邵仲衡昨日接受本報電話訪問，問他是否曾被劉青雲撬走郭藹明？邵仲衡笑說：「真係要澄清！我冇同郭藹明拍過拖，我只係話當年同某位男演員拍劇，本來同對方好好傾，有一日對方態度突然180度轉變，又成日窒我，收工同女朋友呻，先知道嗰個男演員，原來成日喺我女朋友屋企樓下等，我就明晒係乜嘢事，但個女仔唔係郭藹明！個男演員影響唔到我同女朋友關係，我哋拍咗10年拖先分手。」
邵仲衡於90年曾與劉青雲合作拍劇集《燃燒歲月》，當時他的女友正是有翻版翁美玲之稱的劉美娟，而娟妹因為跟劉青雲同期出道，兩人曾多次合作拍劇，包括85年出道即拍的劇集《銀色旅途》及86年的《赤腳紳士》等。
問邵仲衡當年迷倒劉青雲的女友是否劉美娟？他說：「邊個唔講喇！𠵱家各自都有家庭，其實都係陳年舊事，對我嚟講係得啖笑，係當年嘅生活逸事。」可會抗拒跟劉青雲合作？邵仲衡語帶輕鬆說：「唔會！呢行冇啱與唔啱，以前大家都係𡃁仔，𠵱家只當茶餘飯後話題。」
當年邵仲衡與邱淑貞相戀雖是公開秘密，但正式公開戀情只有劉美娟，兩人由90年拍拖至00年分手後一年更各自建立家庭，邵仲衡娶了圈外太太Wendy；劉美娟則與同是基督徒的張崇德結婚。
■劉美娟與劉青雲合作拍過多部劇集，包括86年的《赤腳紳士》。資料圖片
■劉青雲92年拍《大時代》時，邵仲衡與女友劉美娟已拍拖兩年。電視圖片
■邵仲衡93年與郭藹明在劇集《天倫》飾演夫妻。互聯網圖片
巧與對方老婆拍劇
邵仲衡其後續笑謂：「都幾好笑㗎！之後我拍一個40集劇，咁啱就係同嗰個男演員當時女友，𠵱家已經係老婆嘅女演員合作演夫婦，嗰時我好避忌呀！除咗開工講對白，成個劇同個女仔都講唔夠10句嘢！」由於93年邵仲衡曾與郭藹明在劇集《天倫》飾演夫婦，故當年撬娟妹的人是劉青雲，幾乎呼之欲出。
採訪：小米
■劉美娟85年參加健美小姐加入娛樂圈。資料圖片
錯綜複雜：撬牆腳關係圖
年屆51歲的邵仲衡與劉青雲，現時同樣擁有一段美好婚姻，但原來他們曾同一時間喜歡女子。
|
鍾意就快D Share啦！
|
|
|