天明家蔚又添丁 7磅11犀脷B報到
圈中模範夫婦洪天明與周家蔚兩年抱兩，繼誕下大仔後，昨日家蔚再為洪家誕下男丁JT，再度榮升爸爸的天明接受本報訪問時坦言母子健康。而爺爺洪金寶興奮表示JT重七磅十一安士及似足自己！
周家蔚為洪天明再誕一子，可喜可賀！
JT瞇埋眼仔兼玩伸脷，在微博跟大家Say Hi！
洪金寶笑言孫仔似他！
恭喜！恭喜！洪天明與周家蔚細仔出世喇！家蔚繼2013年為洪家誕下大仔洪大仁（TJ）後，兩年抱兩，昨日在養和醫院開刀誕下重七磅十一安士的細仔JT，為洪家再添一名新成員！再度做爸爸的天明難掩興奮心情，在微博宣布喜訊及上載細仔照片，相中的JT瞇眼伸脷，可愛到爆！
爺爺洪金寶：都係似我
昨日天明向本報表示母子平安，明日出席活動時會跟大家再度分享喜悅：「媽媽（家蔚）同BB都好健康，媽媽就攰啲，想畀啲時間佢休息，三十號我會出席活動再同大家講！」他又在微博代JT說希望快點回家，寫道：「Hi all！大家好！我是JT.今天來到這個世界，請睇住細佬。……母子平安，大家請放心。好想快啲返屋企見哥哥。多謝大家的關心。Love You all。」相中所見，細仔似乎深得洪家優良遺傳，樣子與TJ一樣似足爺爺洪金寶，難怪本報昨日向洪金寶道賀時，他笑指BB似足自己：「都係似我，重七磅十一安士，差唔多八磅！」
改名「大義」被否決
對於JT改中文名一事，身為媽媽的家蔚笑言想改名為「大義」，不過遭否決。而日前播出的無綫節目《最佳男主角》中，洪金寶自爆為TJ改中文名，笑言「大仁」諧音似「大人」，甚有霸氣：「第時佢返學或者做嘢，啲人叫佢大仁，就好似叫佢大人咁！」但當時天明表示不太喜歡，曾要求過改名，他說：「我問老竇有冇得改過第二個名，佢就話不如叫大爺咁我就話算今次第二個仔個名，我就自己諗，因為老竇諗咗幾個，不過我都唔係幾接受到。」
周家蔚為洪天明再誕一子，可喜可賀！
JT瞇埋眼仔兼玩伸脷，在微博跟大家Say Hi！
洪金寶笑言孫仔似他！
|
鍾意就快D Share啦！
|
|
|