鄧穎芝寸舊愛要檢點
歌手鄧穎芝對於舊愛林師傑被拍得到酒店幽會，身在韓國的她在電話中回應：「我都講 『若要人不知唔好太低B』，如果個女仔真係佢女友都好正常啫。（林師傑冇承認戀情喎？）佢怕影響事業啫，但我覺得做藝人或新人，不如畀心機做嘢，唔好搞咁多負面新聞，要檢點啲，我祝佢前途似錦。」可覺得跟對方早分手是好事？她只覺得現時很開心，剛剛才欣賞完韓國組合Big Bang演唱會。
林師傑的前緋聞女友何雁詩就驚訝問：「唔會啩？大家都有屋企，我希望唔係真啦，因為對男仔、女仔事業都有影響。」又謂不想做「八婆」，故不會追問。同是「巨聲幫」出身的吳業坤則愕然問：「係真唔係呀？」
至於林師傑唱片公司CEO何哲圖在電話中說：「佢哋應該係朋友啫，兩個都未結婚，正常交往。（林師傑話唔公開戀情係怕公司雪藏？）佢擔心啫，公司唔會干涉歌手私人事。（使唔使『照肺』？）唔使，佢嚟緊會照做新歌。」
|
鍾意就快D Share啦！
|
|
|