2015年4月25日 星期六

邵子風認有情緒病 唔諗娶蝦頭 邵子風,楊詩敏,蝦頭,



扮嘢扮到出晒位的楊詩敏(蝦頭)獲經理人兼男友邵子風確定正印身份,更發展到半同居!不過,自爆有情緒病的邵子風笑言「唔知擺得幾耐」,未與蝦頭談婚論嫁。

邵子風與蝦頭曾公開戀情,換來的竟是冇人信!

龍小菌回應「蝦子戀」,坦言現時單身恨拍拖。

最近一期《好報》單單猛料,唔睇邊有話題!

「蝦子」拍拖行街,似足夫妻晒愛。

現年39歲的楊詩敏(蝦頭)與經理人邵子風昨日被《好報》踢爆火速在西貢築愛巢,還十指緊扣去街市買餸。早前有指邵子風與26歲的龍小菌才是一對,但因他的情緒大起大落而令小菌頂唔順,導致分手收場。據知大約年多前,同門的蝦頭早已對邵子風生情愫,兩人極速搭上,展開同居生活!

讚女友有才華

記者昨日致電邵子風,問到「蝦子戀」是否屬實?他爽快地承認:「一早公開咗愚人節將合照同寫咗『我交往中』放Facebook,冇人信之嘛!(蝦頭撬小菌牆腳?)唔係!我一早講同小菌冇拍拖。(影過你哋拖手喎!)我都可以同你(記者)拖手!」提到被踢爆因情緒波動而導致小菌嗌分手時,他坦言於2011年因父親過身而患上嚴重躁鬱症,近年演變成嚴重抑鬱症,幸病情已大有改善。問到現時是否與蝦頭同居?他說:「一時時睇吓方唔方便。(睇男定女唔方便呀?)睇吓返工地點同時間,睇交通方唔方便。(幾時拉埋天窗?)太長遠!我都唔知擺得幾耐!」但讚蝦頭除了有才華,更是個好對象。

侍「龍蝦」唔尷尬

其後,問到小菌是否因情傷而被放逐台灣時,邵子風澄清她去台灣只是出席音樂節:「佢讀緊港大中文系Master兩年,剛剛完成一年,緊佢會再出。(怕小菌投訴你偏心蝦頭?)唔會!我依家係一夫共侍兩女,公司上可以搵到Balance,我同小菌冇拍拖,做唔尷尬。」小菌亦透過邵子風回應此事:「我冇同子風拍拖,所以唔尷尬。(傳你都有男友?)冇!我都希望有,女仔都想有人錫。」

另外,邵子風昨日上載今期《好報》封面到社交平台,還笑言感謝讓他登封面,又抵死問小菌:「係咪好傷心?」小菌則回應:「好傷心……張相係舊髮型。」而蝦頭至截稿前仍未有回應。

邵子風與蝦頭曾公開戀情,換來的竟是冇人信!

龍小菌回應「蝦子戀」,坦言現時單身恨拍拖。

最近一期《好報》單單猛料,唔睇邊有話題!

「蝦子」拍拖行街,似足夫妻晒愛。

鍾意就快D Share啦!
Related Posts Plugin for WordPress, Blogger...