掃呢頁CODE去手機

2015年4月25日 星期六

《大時代》方進新跪求老闆:我…男人…好難過! 大時代,



【男觀眾都哭了】《大時代》方進新跪求老闆:我…男人…好難過!

2015-04-25 13:28:00



《大時代》電視截圖片

每個人都有丁蟹影子,只爭在你肯唔肯面對———人總係難免覺得自己啱晒,人哋錯晒,只不過《大時代》韋家輝將之放大去到極端。其實人人都有丁蟹基因。

噚晚一集《大時代》夠催淚,見到方進新俾丁蟹打到咁,連照顧自己都無能為力之際,丁蟹跑出嚟話「幫」佢,仲話:「教咗你幾日,你俾啲心機先得架,學到係你自己,唔係益我0架!」玲姐唔夠丁蟹打,咬佢又唔係殺咗佢又唔係,只能夠話:「我好憎你呀!」點知丁蟹話:「阿玲,你對我仲有感情0架!我至怕你話對我無感覺咋,我幾驚呀!」

疊報紙一幕………方進新跪求老闆(麥皓為飾):「俾次機會老闆……我俾人打壞個頭,我死蠢,我知手腳慢,我需要份工,搵錢養家……我女朋友同我無名無分,每日兩份工,佢養我同四個仔女,我…男人…好難過!俾次機會老闆!……今日做得唔好,唔要(人工);聽日做得唔好,唔要;做得好,你至俾人工我!俾次機會老闆……」男兒有淚不輕彈,很多男觀眾到這幕,亦不禁淚流滿臉。

還幸這一集裡,方進新慢慢記起與玲姐的點點滴漓,記得《Bridge Over Troubled Water》、「833」,記得0002,記得係丁蟹打傷佢,更緊緊攬實玲姐謂:「玲,你會幫我0架呵?我唔著爛佬鞋!我唔揸叉!我揸筷子、我自己綁鞋帶、我自己扣鈕!我搵份工,我要搵錢養你哋……」去到呢度,真係好難唔拎紙巾。

今集劉松仁精湛演技發揮得淋漓盡致,正如松哥日前所言:「依家先至讚?死得啦。」咁當然唔係

網民紛紛留言:

「睇到好心酸,一個咁出人頭地的人,俾人打到咁仲要俾啲二打六蝦佢。」

「睇到我流咗兩行男兒淚㖭,松哥好戲到不得了,好嘢!!」

「記得10歲嗰年,睇呢集嘅時候喊到we we wear wear,以為自己當時細個眼淺,但依家睇返都仲係喊腫眼,證明好故事確實能感動人心,永垂不朽…」

「廿幾年前睇求老闆俾次機會嗰段,一睇就喊咗出嚟,成套《大時代》最唔想翻睇嘅就係由丁蟹打方進新到俾佢打死,每次睇都好心酸,真真正正將一個神人打到落地獄,個心真『拿住拿住』,唔忍心再睇,再嚟嘅催淚位就係賤婆婆下跪道歉果一段,由方展博獨白,由『唔記得就係唔記得』開始,到賤婆婆下跪,嗰一幕我呢啲大男人都要睇到流馬尿呀!第一次睇嘅記得要放定包紙巾響身。」

「今集丁蟹歪理語錄精選:你憎我就最好!最怕你對我冇感覺!」

「我係五十後,第一次睇大時代,好有共鳴。哭了。」



方進新被丁蟹打至失憶,認不得人。



兩人身後的類似的冰室,已然難尋。眼利網民表示此乃位於土瓜灣炮仗街的永香冰室,仍在。







丁蟹的世界裡,錯,從不是他。



又係人家錯









我至怕你話對我無感覺咋



阿玲,你對我仲有感情0架!







尋找當日玲姐為他包紮傷口的校裙



記起《Bridge Over Troubled Water》









這一幕…





飾演老闆的麥皓為





芳芳婷婷文文展博一齊教爸爸疊報紙



終於…



熟悉的眼神,這才是方進新。



人間有情

鍾意就快D Share啦!