提起陳自強，除咗同JUNO麥俊龍上契之外，佢亦都係成龍嘅前經理人，睇住成龍走紅，不過隨住林鳳嬌接手，兩個人最後更擘面收場。
成龍、JUNO都係用完即棄，陳自強曾經公開放風，希望成龍可以念下舊情，比少少生意帶挈佢搵下錢，不過成龍理，令到陳自強借酒消愁。年過70歲嘅陳自強最近就因為心臟問題住院留醫，飲酒飲到周身病痛，雙腳更加腫過豬蹄，就連指甲邊都瘀瘀黑黑。問到身體情況，陳自強都有啲迴避。
陳自強話︰「呀….慢慢啦。我都冇咩大件事 呀，CHECK下囉，REGULAR做下CHECK UP。」問到陳自強使唔使戒口同戒酒，陳自強話唔需要，仲話KEEP住有飲酒。睇見陳自強腳都腫哂，佢都承認自己嘅腳唔係太好。
