【太陽報專訊】佘詩曼、張智霖（Chilam）、陳喬恩及唐文龍等昨日出席《十月初五的月光》電影版發布會，吸引近百傳媒採訪，期間播放阿佘和Chilam的對戲片段，曾傳緋聞的二人異口同聲表示零尷尬，而與阿佘及喬恩均有感情戲的Chilam，問到愛哪一個？他打趣說：「我兩個都鍾意。」提到舊愛鄭嘉穎與陳凱琳被《好報》踢爆拍劇擦出愛火，阿佘說：「我冇留意。（佢哋襯唔襯？）咁要睇相知先。」她又透露拍攝期間獲周家怡及洪天明等探班，談到有指與好姊妹家怡爭新加坡富豪鬧不和，她說：「唔好破壞兩姊妹感情，冇發生過。（新加坡富商？）都冇一齊去過新加坡，唔知發生咩事，一頭霧水，唔識對方。（鍾意同一類型男仔？）個個品味唔同。」
而家燕姐在發布會上再爆唐文龍當年曾追求阿佘，更支持對方重追現時單身的阿佘，傳媒就此追問唐文龍，他說：「唔係，佢大把人追（家燕姐叫你再追佢？）都咁多年好朋友。（唔係你杯茶？）唔係抗拒，識咁多年，我個朋友仲曾經同佢拍拖！」至於在戲中飾演啞巴的喬恩則表示適應手語竅門後便沒有難度，Chilam更大讚她學手語進度快。
|
鍾意就快D Share啦！
|
|
|