揭胡定欣金毛新歡 廁所媾Jeana
現年33歲的胡定欣自去年11月宣佈與拍拖兩年的廣告界才子男友沈柏淳（Patt）分手後，日前被拍到與45歲的音樂人陳明道（Terry Chan）拍拖，儘管男方去年曾被本報拍下與何佩瑜（Jeana）夜蒲兼在廁所gathering，定欣昨接受電話訪問時力撐新歡：「我認識嘅佢係一個好好嘅人，一定唔係咁嘅人。」
胡定欣與闊少Patt去年已經達到談婚論嫁的階段，可惜因男方被拍到偷食斷正，最後定欣決定一斬情絲。不過單身不足半年，定欣已經火速找到新歡，昨日有報道指定欣與音樂人Terry拍拖，上周兩人齊齊欣賞單立文（豹哥）演出的舞台劇《嬉春酒店》，完騷後再會合李施嬅（李詩韻）等人到九龍城打邊爐，拎車期間定欣主動蹺實Terry的手臂，最後更齊齊返回她位於將軍澳的新居。在睇騷前一星期，曾經有人目睹素顏的定欣與男方在將軍澳撐枱腳，當時她未有理會途人的目光，一直搭住男方膊頭行。
能夠令定欣放膽再愛的新歡Terry，是活躍的音樂人，91年更憑梅艷芳主演的電影《何日君再來》的歌曲，獲台灣金馬獎最佳電影音樂提名，亦曾為不少天王天后擔任唱片監製及個唱音樂總監，難怪與新秀出身的定欣份外投緣。不過在去年9月，愛夜蒲的Terry被本報影下與Jeana結伴去party，Jeana更被目睹與Terry入廁所gathering，事後Jeana忽然醒神地行出來。
上周四【主動出擊】
■上周四凌晨胡定欣蹺實新歡Terry有講有笑。圖片
去年9月【喜愛夜蒲】
■胡定欣的金毛新歡Terry與Jeana去年9月結伴去蒲，二人更被目睹入廁所gathering。
■胡定欣日前被揭與Jeana的舊愛音樂人Terry拍拖。資料圖片
力撐Terry係好人
定欣昨日在電話被問拍拖一事，她甜笑地說：「我冇乜太多回應喇，只可以講佢係一個我認識中嘅一位朋友。」追問有否發展機會？她說：「了解中，我認識中佢係一個好好嘅人，大家了解吓。」有指今次是豹哥的介紹下， 締造這姻緣，定欣則說：「雜誌係咁講，我唔講太多。」後來提及Terry與Jeana入廁所gathering一事，定欣力撐新歡說：「我冇睇過報道，我認識嘅佢係一個好好嘅人，一定唔係咁嘅人。」
■Terry曾與林憶蓮及謝安琪等多位歌手合作。微博圖片
Jeana：佢死梗啦
Terry昨則透過短訊說：「兩個單身好朋友好support大家，係一件好normal嘅事，大家經歷過唔開心時間都想大家開心，發展空間順其自然喇！」 Jeana昨亦在電話中笑說：「唔怪得呢排我同幾個朋友約極佢出嚟，佢都唔得閒，原來係有異性冇人性，哈哈哈，收到晒，無論戀情真與假都戥佢開心，祝福佢，不過過幾日我搞生日party，佢死梗」身為定欣好友的胡杏兒昨亦說：「最緊要佢開心。」
採訪：何慧斯、陳杰
|
鍾意就快D Share啦！
|
|
|
