掃呢頁CODE去手機

2015年5月27日 星期三

連體操 熱戀 2個月 娜姐舊愛 Avis轉嗒台妹啜爆 gym [FACE - 418] 娜姐,Avis,周秀娜,MF,



咀足 5次

做一下咀一啖, Avis做到索晒氣都唔怕咀

真面目

連體操 熱戀 2個月 娜姐舊愛 Avis轉嗒台妹啜爆 gym

我愛台妹!台妹愛我!講緊周秀娜前度陳偉成( Avis),去年撇甩𡃁模尹蓁晞( Yumi)話咁快就有新戀情。趁住 Avis生日同 520,台灣美眉錢柏渝( Kelly)仲嚟埋香港見家長添!

上週三( 20日), Avis孖住女友 Kelly到自家健身室做 gym,運動都只係煙幕,兩人玩到㷫烚烚咀完又咀,前後咀足 5次,完全旁若無人,之後仲買埋餸返閨玩煮飯仔添!

31歲台灣美眉錢柏渝( Kelly)因參演《流星花園》美佳一角正式出道,喺台灣發展平平,最近就簽約香港經理人公司留港發展,仲搵埋另一半。網上圖片

Avis去年甩拖後就專心打理個人健身室,最近終於爆出新戀情, Avis大讚女友 Kelly溫柔之餘,家人仲好 like,話結婚係遲早嘅事添!

「香港女仔好港女!」

據知 Avis 6年前到台灣探朋友就已經認識 Kelly,不過相隔兩地,最終都無緣撻着,直到最近 Kelly留港發展,近水樓台, Avis又單身,兩人好自然就開始。

Avis說:「同 Kelly拍咗拖 2個月,佢好 nice又識得做人,會忍讓對方缺點,同香港女仔好唔同!香港女仔好多都好港女!(講緊 Yumi?),自己都係第一次同台灣女仔拍拖,屋企人對佢印象好好!」

Avis先後同周秀娜同𡃁模尹蓁晞( Yumi)拍過拖,最近就轉嗒台妹,仲大讚女友 Kelly夠溫柔同冇港女 feel喎!網上圖片

《蘋果日報》圖片

玩煮飯仔

鍾意玩健身嘅 Avis,帶埋 Kelly到自家健身室做 gym,做唔夠 15分鐘,兩人就當眾耍花槍,玩到興起仲咀完又咀,前後咀足 5次,完全旁若無人㗎!做完運動,兩人就到超市 shopping, Avis負責推車仔、 Kelly負責揀食材,十足兩公婆,買完急急腳返到 Avis位於將軍澳屋企玩煮飯仔!

Avis接受《 FACE》訪問就話:「嚟緊書展會出書,呢排做 gym密咗, Kelly幫手打氣啫。而且要減磅,有好嘢都唔食得,佢陪我去買啲菜,玩下煮飯仔。(打算結婚?)𠵱家先啱啱開始,結婚就未諗,不過就視佢為結婚對象㗎!」

Avis教女友 Kelly做 gym,仲玩到攬埋一舊,熱戀中嘅情侶最黐纏。

Avis孭起女友 Kelly拉筋,唔覺意騷到 Kelly突出身材。

做完運動, Avis同 Kelly就到超市 shopping,準備返屋企玩煮飯仔。

入完貨, Avis就同 Kelly返到將軍澳住所繼續下半場,夠晒 sweet囉!

DaDa趕嫁大隻 King

盧頌之( DaDa)喺 ig自爆一年後會結婚,佢話:「畀多一年時間自己,睇下事業上會唔會有突破,如果冇就會結婚、生 BB,不過生 BB都係結婚後嘅事!而呢一年都係觀察期,希望 King可以再成熟啲,至於結婚對象都希望係佢嘅!」「趙太」開到口喇, King收到未?

突然宣布一年後嫁人, DaDa仲話婚後會生 B添!

鍾意就快D Share啦!