網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月3日 星期日

鄧健泓拒炒舊情 推劇被罰延合約 鄧健泓,



鄧健泓拒炒舊情 推劇被罰延合約



其他影片:>>






拒TVB翻炒舊情 鄧健泓推劇被罰延合約

「迷雲黨」成員鄧健泓與龔嘉欣雖然分手3年,但近日無綫為製造話題,竟要二人在新劇《潮流教主》搞三角戀。據悉鄧健泓即將結婚,不想舊戀情被擺上枱對未婚妻石詠莉造成困擾,加上患腎石要開刀,所以向無綫辭演,沒料到無綫竟以他推劇為由,罰他延長3個月合約。對此鄧健泓承認說:「係有呢件事。」據知鄧健泓有感電視發展不如意,已決定今年底約滿無綫後不再續約。

現年40歲的鄧健泓,自恩師陳志雲2012年離職無綫後,隨即被無綫投閒置散,屢被派演閒角,幸感情路發展順利,去年初演出舞台劇《大酒店有個荷李活》時與拍檔石詠莉一撻即着,並計劃今年拉埋天窗。

不過,鄧健泓近日可謂頭頭碰着黑,除近日腎石復發要再開刀外,據悉無綫最近開拍陳豪和蔡思貝主演的新劇《潮流教主》,監製為製造話題而安排鄧健泓與分手3年的舊愛龔嘉欣在劇中大搞三角戀,要龔嘉欣演小三角色。鄧健泓礙於健康問題,以及快將與女友石詠莉結婚,不欲舊戀情被擺上枱,決定向無綫請辭,結果無綫就以此為藉口要他「加監」,將原定本年底屆滿的合約延長多3個月,令鄧健泓極為無奈。



■鄧健泓因為拒與舊愛龔嘉欣拍新劇搞三角戀,結果無綫要將他「加監」延長合約3個月。資料圖片



■龔嘉欣與鄧健泓分手後再見亦是朋友,揚言不介意跟舊愛合作。資料圖片



■無綫新劇《潮流教主》欲安排鄧健泓和龔嘉欣偷情,擺明借二人舊戀情搞噱頭。資料圖片



■鄧健泓將迎娶女友石詠莉,所以拒與舊愛拍新劇「復合」。資料圖片

難接受無理要求

據知情者說:「Patrick(鄧健泓)同女友石詠莉打算喺今年結婚,所以佢唔想同舊愛嘅戀情又被人翻炒做話題,雖然Patrick同龔嘉欣分手後仲係朋友,但唔想呢啲話題令到石詠莉唔開心,加上佢早排腎石復發,健康狀況唔好,所以同TVB辭演,點知TVB話佢推劇,要佢將合約延長3個月。其實TVB呢個無理要求,Patrick法理上係可以唔接受,呢幾年大家都睇到佢喺TVB有幾受『重視』㗎啦,公司根本唔需要延長佢合約,點解TVB唔畀條生路佢行?其實呢兩年舞台劇方面畀到Patrick好大滿足感,所以佢諗住今年年尾約滿TVB之後向外闖唔續約,不過佢真係好多謝公司曾經畀機會佢,所以如果公司堅持要佢加簽多3個月,佢都會簽嘅。」



■鄧健泓昨凌晨在微博表示想做鐵甲奇俠,似乎有所暗示。微博圖片



■陳志雲離開無綫後,鄧健泓仍跟恩師保持聯絡,有情有義。資料圖片

女友石詠莉讚man

對於拒與龔嘉欣新劇搞三角戀而被無綫要求延長合約,鄧健泓前日在電話中回應說:「唔方便講太多,係有呢件事,不過對於我嚟講順其自然啦。」問是否剛做完腎石手術?他說:「多謝關心,都OK。我唔可以講太多,唔好意思。」昨日凌晨鄧健泓在微博上載照片,並謂:「我希望我是Ironman……」莫非有所暗示?

至於石詠莉直認聽聞男友與無綫的問題,她前日在電話中說:「有聽過,成件事我唔方便評論,每間公司有自己嘅做法,Patrick做乜,我都全力支持,佢演戲上好有才華。」對於鄧健泓為免女友受困擾而拒與龔嘉欣合作,石詠莉冧爆說:「好man。」至於龔嘉欣前日被問到無綫安排她與鄧健泓拍新劇搞三角戀時,她在電話中說:「唔係咁清楚,但如果要合作,我都唔介意。」

採訪:魯吉、陳杰

鍾意就快D Share啦!