離婚急護前夫非賤男 盛女Whitney：好多嘢磨合唔到
盛女Whitney前年參加無綫「真人騷」《求愛大作戰》後，即與媽模陳靜儀（Mia）前夫莊家傑閃婚，去年6月一索得男榮升人母，月前再度宣佈有喜，兩年抱兩，大前日她更在社交平台開心公告第二胎陀B女；正當網民紛紛送上祝福，前日她又突然宣佈離婚，十分離奇。
前日Whitney接受本報獨家訪問時表示，她認為離婚對兩個人都是好事，昨日記者再聯絡Whitney，問她心情是否已平復？她說：「我OK！噚日真係好攰，休息咗一日好好多。」追問她具體離婚原因，她沉默了一會才回答：「我覺得自己可能太獨立，獨立到連同另一半都唔識點相處，一齊生活好多嘢都磨合唔到！」
■Whitney早前同前夫莊家傑，為囝囝Chalmers提早開一歲生日會。
■Whitney為人獨立，2月時曾被拍到單獨抱仔做產檢。資料圖片
■Whitney上月帶Mia所生的一對繼子繼女去遊樂場玩，三人感情要好。資料圖片
「相處係學問」
莊家傑與前妻Mia離婚後，二人一度在網上隔空互罵，Mia斥莊家傑不負責任，莊家傑則反擊指她整容及偷食，而Whitney與莊家傑雖然婚姻破裂，但仍處處維護對方：「佢係好爸爸，係好人、唔係別人口中嘅賤男。不過，人同人相處係學問，有啲嘢唔係三言兩語可以表達，總之兩個人相處唔到，分開對大家都好。」Whitney續謂：「分開，唔一定係是但一方賤 ，所以冇必要鬧。」Whitney跟莊家傑與Mia生的一對仔女感情要好，問她離婚後可會再約小朋友見面？她說：「呢啲唔會有變。」
下月3日是Whitney囝囝Chalmers一歲生日，碰巧Whitney早前提早為囝囝辦生日會，還與莊家傑及囝囝溫馨合照。問Whitney是否早已決定離婚，故刻意提早幫囝囝慶祝生日，讓囝囝首個生日有爸爸陪伴？她否認說：「一定唔係，只係因為個肚越來越大，我怕太大出街唔方便同埋手腳唔靈活啫！」
採訪：小米
Mia 資料圖片
|
鍾意就快D Share啦！
|
|
|