上個月貼婚戒照 樂瞳穿婚紗：我們結婚了！
無綫小花樂瞳上個月喺instagram貼戒指相，仲寫住「Yes,I
do」，即惹來結婚疑雲，唔少網民都留言恭喜佢，不過事後樂瞳否認婚訊，原來當日佢係拍求婚戲而已。樂瞳又表示與圈外男子了解中，更直言自己廿到尾，唔介意隨時閃婚咁話。
說時遲，那時快，樂瞳昨午喺社交網站貼上婚紗照，不過個樣就唔係睇得好清楚，佢仲留言話：「我要結婚了﹗」唔少網民都留言祝福，不過與此同時，張美妮都喺微博貼咗張樂瞳與揚明合照，差啲唔認得樂瞳呀，原來佢哋係拍劇咋，張美妮寫道：「仲有雖然刻意化黑扮醜的咸魚妹@樂瞳Cilla ，其實沒有醜啦，仍是很可愛！」
