跑贏隊友 處男拍戲搞抗爭 D.O.@EXO：拍喊戲最難 [FACE - 416 - 外地娛樂]

《逆權師奶》故事改編自真人真事，為當下無數遭剝削的合約勞工發言。《逆》片除了在韓國曾佔據票房榜冠軍，更獲多倫多國際電影節邀請做閉幕電影。而 D.O.（中）及廉晶雅（左）的母子情亦令人期待。

韓飯台

跑贏隊友　處男拍戲搞抗爭　 D.O.@EXO：拍喊戲最難

去年至今韓國超人氣男團 EXO曾發生多次大地震，繼最靚仔中國籍成員吳亦凡（ Kris）及鹿晗相繼離隊後，最近連 Tao（黃子韜）亦去意已決。

不過 EXO中國籍成員相繼起飛腳，並不代表世界末日，安份守己留低的成員一樣可以闖出新天地。好似隊中又萌又可愛的成員 D.O.（都暻秀），去年拍完韓劇《沒關係，是愛情啊》後，更勇闖影壇拍電影《逆權師奶》（ Cart）。片中一向笑面迎人的 D.O.，首次挑戰拍喊戲， 3月便憑此片內反叛少年的角色角逐《亞洲電影大獎》的「最佳新人獎」。雖然最後空手而回，但學阿 Sa話齋，有份入圍已當攞咗獎

《逆權師奶》

上映日期： 5月 14日

廉晶雅與 D.O.拍完《逆》片後成為好友，出席記招時 D.O.更主動搭住阿媽；而廉晶雅亦爆料話 D.O. fans經常送禮給劇組，而且對她特別照顧，令她感到好溫暖。

D.O.在片中因為家貧，所以要到便利店做兼職，自己賺取去學校旅行的費用。

《逆》片講述一群超市合約員工，每日安份守己工作。而當模範職員廉晶雅（中）原本有機會轉正式員工，以為可以同兒子 D.O.重修關係時，卻突然收到解僱通知。受不合理待遇，廉晶雅決定聯同其他被解僱員工發動罷工，佔領超市。

1. D.O.作為首位拍電影的 EXO

成員，有乜感想？

早前 D.O.宣傳《逆權師奶》一片時，他便解釋：「我其實冇學過演戲，反而 EXO部份成員曾接受演技訓練。我明白佢哋嘅感受，不過佢哋仍然好支持我，令我好感動。」

D.O.在片中飾演自幼在窮困環境下長大的反叛少年。 D.O.演完每一場戲，都會重看自己的演出，對自己的表現非常緊張。

2. D.O.今次拍《逆權師奶》有乜難處？

一向喜歡笑面迎人的 D.O.甚少在人前流淚，所以他覺得：「拍喊戲係最難，以前我就算想喊都會忍住，所以我演喊戲，連 EXO成員都笑我演得好唔自然。」據知 D.O.拍一場被便利店社長金希沅打的戲份時，為免阻礙拍攝進度，就算被對方打到好痛都死忍，唔敢叫 cut。

3.飾演 D.O.阿媽嘅廉晶雅，對 D.O.有乜評價？

話晒 D.O.係當時得令嘅人氣偶像，加上 D.O.本身又乖仔，廉晶雅當然對他有讚冇彈：「 D.O.學習演戲時態度好好，對工作人員又有禮貌，同其他新世代偶像唔同。同佢合作令我認識一個全新世界。」

早前 D.O.曾飛過澳門角逐《亞洲電影大獎》的「最佳新人獎」，還着得官仔骨骨行紅地毯。

鍾意就快D Share啦！

下一篇 》