想當年名模Danielle樣靚身材正。不過，愛蒲又愛玩嘅佢， 09年嫁俾大馬銀行界才俊Patrick之後，就專心相夫教子。
早排Danielle返香港，老公Patrick都有同行㗎，佢哋喺銅鑼灣行街街，Danielle隻左手有50萬「碼頭」喺身！佢戴咗隻廿幾萬嘅玫瑰金勞力士，又挽住個十幾萬嘅Hermes，仲有鑽戒同i Phone6，個富婆樣出晒嚟！
37歲嘅Danielle同Patrick結咗婚6年，佢哋依然咁恩愛，Danielle為冧老公，周街做骨女都冇所謂。佢先嚟個胸壓，再出手幫老公鬆骨，真係睇見都舒服呀！
